Lé asu koɖo ashiwo awɛ nɔ wowo lɔlele asɛnŋ ɔ?

Abraxamu koɖo Sara nyi kpɔwɛ nywi ɖeka nɔ asu koɖo ashiwo. Wolɔn wowonɔnɔwo yí gbebunɔ nɔnɔ. (Gɔnm 12:11-13; 1 Piɛ 3:6) Ele ahan gan, alɔlele wowo tɔ nyi alɔlele makpemakpe yí wowo can do ji le cukaɖawo mɛ hɛnnɛ. Nyi asu koɖo ashiwo atɛnŋ akpla so Abraxamu koɖo Sara kpɔwɛ lɔ mɛɔ?

Míkannɔ seŋ koɖo míwonɔnɔwo. Nɔ asuo alo ashio sɔ dɔmɛzi xo nuxu nɔ eoɔ, ŋgbewa wadonu o. Vɔ tekpɔ ase nu gɔnmɛ ni. (Gɔnm 16:5, 6) Míkpɔnɔ vovo do míwonɔnɔwo nu keŋ anɔnɔ ju. Míwo nuwanawo koɖo míwo nuxuwo lé danasɛ mɔ mílɔn míwonɔnɔwo. Enuvevi ciwo míawanɔ yí nyi míakplanɔ nu, adonɔ gbe ɖaɖa yí awanɔ sumɔsumɔdɔ lɔ doju keŋ nɔ ekacaca ci yí le gblamɛ nɔ míwo koɖo Yehowa alo gogwiɖe. (Ŋun 4:12) Alɔlele ciwo yí sɛnŋ nyinɔ kanfukanfu nɔ Yehowa, mɛ ci yí nyi totomɛ kɔkɔɛ cɛ Ðotɔ.

MÍKPƆ VIDEO CI YÍ NYI ENU CI MÍAWA NƆ ALƆLELE MÍWO TƆ ASƐNŊ. LE YI GODUƆ, MÍNA ÐOŊCI NƆ NYƆBIƆSE CIWO YÍ GBƆGBƆ:

• Le video lɔ mɛ ɖe, nyiwo yí dasɛ mɔ Balo koɖo Afi dewakɔ nu dojuɔ?

• Nyi yí taɖo ele veviɖe mɔ asu koɖo ashiwo anunɔ jimɛnyɔwo nɔ wowonɔnɔwoɔ?

• Lé Abraxamu koɖo Sara kpɔwɛ kpedo Balo koɖo Afi nu doɔ?

• Nyiwo Balo koɖo Afi vawa yí wowo lɔlele sɛnŋ ɔ?

• Nyi yí taɖo asu koɖo ashiwo dajinɔ mɔ mɛɖe deɖo awa fɛn le yewo mɛɔ?