Lé mìawɛ yí mìwo kunuɖeɖedɔ anyɔ doji—Kunuɖeɖe to agbonukamela alo agbonutelefonu ji

ENU CI YÍ TAÐO ELE VEVIÐE: Xomɛveve ci yí vabɔbɔ doji dɔ yí amɛwo vɔnvɔn nɔ mɛdruwo xɔxɔ do axomɛ. Vɔ ci mashinni yoyuwo va tokɔɔ, amɛ sugbɔ ɖo agbonukamela alo agbonutelefonu keŋ asɔ glɔn ta nɔ wowoɖekiwo yí gbexɔnɔ amɛwo to wo ji. Kunuɖeɖe nɔ mɛ ci yí kpɔkpɔ mì gan yí mìwo dekpɔkpɔɛ o, atɛnŋ aso jika nɔ mì. Eŋwiɖonujinamɛ ciwo mìakpɔ yɛ akpedo mì nu mìagbe dɔn aɖe kunu to agbonukamela alo agbonutelefonu ji.

LÉ MÌAWƐ DO:

• Nunuɔ mɔ woaxɔ ye. Amɛ sugbɔ ciwo yí wa agbonukamela alo agbonutelefonu ɖɛ lɔn yí kannɔ seŋ koɖo mì

• Ðo ŋwi mɔ gbɔxwe àvaӡin agbonuga lɔɔ, kamela ɖewo tɔnɔ amɛ xɔxɔ xoxoxo, yí axomɛnɔtɔɔ atɛnŋ akpɔkpɔ eo alo asekɔ nyɔ ciwo ènukɔ

• Nɔ axomɛtɔɔ xo nuxuɔ, xo nuxu do agbonukamela alo agbonutelefonuɔ mɛ shigbe amɛ lɔ ŋtɔ èxoxoɔ nuxu nɔ hannɛ. Ko do nukpa yí ahwanhwan shigbe lé èwɛni nɛ. Enyɔ ci èdrado ɖɛ mɔ yeanu nɔ èdogo yiŋtɔ sa yí ànu. Nɔ enyi kamela yɔɔ, ŋgbesɔ ao ŋmɛ sɔ gbɔ sugbɔ o. Nɔ axomɛnɔtɔɔ dexo nuxuɔ, ŋgbenu nyɔ ɖe ɖɛ ni o

• Nɔ míwo koɖo axomɛnɔtɔɔ xo nuxu ɖegbɔɔ, ɖo ŋwi mɔ átɛnŋ akpɔtɔ akpɔkɔ eo alo asekɔ nyɔ ciwo ènukɔ