Gbɔngbɔn kɔkɔɛ na wowa edɔ gbɔnnugbɔnnu ɖeka

Exolɔlɔwo dasɛ mɔ, Mawu mɛwo wa enujiŋwo. De wowoŋtɔwo nujikpekpe yí dɔ wowa ŋcɛwo o, vɔ Yehowa yí kpedo wo nu. Le 1954 mɛɔ, Yehowa habɔbɔ lɔ ɖe fimu ci yí nyi Yehowa habɔbɔ lɔ le dɔ ji ti. Mɛ ciwo koŋ yí wa fimu lɔ nyi Betɛli xomumɛtɔ ciwo denya ŋɖe le fimuwawa mɛ o. Yehowa gbɔngbɔn kɔkɔɛ lɔ ɖekɛ yí na wotɛnŋ wa edɔ gbɔnnugbɔnnu cɛ. Ecɛ na mìkando ji mɔ, nɔ mìgo kpo do Yehowa nuɔ, mìasun ji awa edɔ ɖekpokpui ci wosɔ na mì nywiɖe.—Zakari 4:6.

MÍKPƆ VIDEO CI YÍ NYI LÉ WOWA “YEHOWA HABƆBƆ LƆ LE DƆ JI” VIDEO LƆ, KEŊ AÐO ENYƆBIƆSE CIWO MÌAKPƆ YƐ ŊCI:

• Nyi yí taɖo wosɔ gbeta mɔ woawa fimu so xexeɛ mɛ pleŋ dɔwaxugan lɔ nuɔ?

• Lé fimu cɛ dasɛ do mɔ Betɛli le shigbe agbetɔ lankpu nɛɔ?—1 Korɛntitɔwo 12:14-20

• Cukaɖa ciwo nɔviwo dogo le fimu lɔ wawa mɛɔ, yí le wokpɔ wo gbɔ doɔ?

• Nyi enujɔjɔ cɛ kpla mì so Yehowa gbɔngbɔn kɔkɔɛ nuɔ?