Ano ro Kabubut-on it Dyos?

Gusto it Dyos nga mabuhi kita it owa’t katapusan iya sa paraiso nga eugta nga may katawhay ag kasadya!

Makaisip ka, ‘Paano ron matabo?’ Ro Biblia nagasugid nga obrahon ruyon ku Ginharian it Dyos ag gusto na nga tanan nga tawo hay makatuon sa ruyong Ginharian ag sa anang katuyuan para katon.—Salmo 37: 11, 29; Isaias 9: 7.

Gusto it Dyos nga makabenepisyo kita.

Gusto it tatay nga itao ro pinakamayad sa anang mga unga, makaron man ro atong Ama sa eangit gusto na itao ro masadya nga kabuhi para katon. (Isaias 48:17, 18) Nagpromisa imaw nga “ro nagatuman ku kabubut-on it Dyos nagakabuhi sa owa it katapusan.”—1 Juan 2:17.

Gusto it Dyos nga makatikang kita sa anang daean.

Nagasugid ro Biblia nga gusto it atong manogtuga nga “tur-an na kita sa anang daean” agud nga “makatikang kita sa anang daeanon.” (Isaias 2:2, 3) May gintipon imaw nga mga tawo agud “manginbanwa nana” para masayran ku bilog nga kalibutan ro anang kabubut-on.—Binuhatan 15:14.

Gusto it Dyos nga gahiusa kita sa pagsimba kana.

Ro matuod nga pagsimba kay Jehova nakabulig kanda nga mahiusa sa tunay nga pagpalangga. (Juan 13:35) Sin-o makaron ro gaturo sa tanan nga tawo maskin siin kon paano mahiusa sa pag-alagad sa Dyos? Ginakangay namon kamo nga usuyon ro sabat sa rayang brosyur.