LEKSYON 6

Ano ro Pag-eaum it mga Patay?

1. Ano ro mayad nga balita parti sa mga patay?

Ro ginbuhi it uman nga si Lazaro gin-abiabi it anang mga manghod nga bayi nga sanday Marta ag Maria

Pag-abot ni Jesus sa Betania nga maeapit sa Jerusalem, ap-at eon nga adlaw nga patay ro anang amigo nga si Lazaro. Nag-agto si Jesus sa eubnganan kaibahan nanday Marta ag Maria nga mga igmanghod ni Lazaro. Dayon, nag-aeabutan ro mga tawo. Kasadya gid kanday Marta ag Maria kat ginbanhaw si Lazaro.—Basaha ro Juan 11:21-24, 38-44.

Sayod eon ni Marta ro mayad nga balita parti sa mga patay. Sayod na nga banhawon ni Jehova ro mga patay agod magkabuhi it uman iya sa eugta.—Basaha ro Juan 11:24.

2. Ano ro kahimtangan it mga patay?

Ro pagtuga kay Adan, ag ku ulihi ro anang kamatayon — Ro Dyos naghambae kay Adan: “Sa eugta ka naghalin sa eugta ka man gabalik.”—GENESIS 3:19.

Gintuga ro mga tawo halin sa eapok. (Genesis 2:7; 3:19) Owa kita it imortal nga kaeag nga gakabuhi sa atong eawas, ngani owa it parte ro atong eawas nga owa gakamatay. Kon mamatay kita, patay man ro atong utok. Ngani owa it may nahambae si Lazaro parti sa anang kamatayon tungod ro mga patay hay owa eon it nasayran.—Basaha ro Salmo 146:4; Manugwali 9:5, 6, 10.

Ginapaantos baea it Dyos ro tawo sa kaeayo kon mamatay? Ginpakita it Biblia nga owa eon it nasayran ro mga patay. Ngani ro kaeayuhon nga impyerno isaea ka pagturo nga nagabasoe sa Dyos it butang nga owa na ginaobra. Raya nga pagturo makangingil-ad gid kana.—Basaha ro Jeremias 7:31.

Watch the video What Is the Condition of the Dead?

3. Makapakighambae baea ro patay katon?

Ro patay hay indi kahambae o kabati. (Salmo 115:17) Pero maeain ro iba nga mga anghel, ag pwede sanda makighambae sa mga tawo ag magpakuno-kuno bilang namatay nga mga tawo. (2 Pedro 2:4) Owa naila si Jehova nga makighambae kita sa mga patay.—Basaha ro Deuteronomio 18:10, 11.

4. Sin-o ro banhawon?

Ro eaki nga ginbuhi it uman sa Paraiso nagtuon parti sa Dyos. Ag ro eaki nagturo sa iba nga ginbuhi it uman.

Minilyon nga tawo ro pagabanhawon ag mabuhi it uman sa eugta. Banhawon man bisan ro owa kakilaea sa Dyos ag ro nakaobra it maeain.—Basaha ro Lucas 23:43; Binuhatan 24:15.

Makatuon it kamatuoran ro mga ginbanhaw ag mapakita nanda ro andang pagtuo kay Jesus paagi sa pagtuman kana. (Pahayag 20:11-13) Mabuhi sanda it dayon kon mag-obra sanda it mayad.—Basaha ro Juan 5:28, 29.

5. Ano ro matun-an parti kay Jehova tungod sa pagkabanhaw?

Nangin posible ro pag-eaum nga pagkabanhaw kat ginpadaea it Dyos ro anang Unga agod mamatay para katon. Ngani ro pagkabanhaw nagapamatuod it pagpalangga ag owa’t katupong nga kabuot ni Jehova katon. Kon mabanhaw eon ro mga patay, sin-o ro gusto mo gid makita?—Basaha ro Juan 3:16; Roma 6:23.

Para sa dugang nga impormasyon, tan-awa ro kapitulo 6, 7, ag 10 ku libro nga Ano Gid ang Ginatudlo Sang Biblia?