Mangin Bukas ro Isip Kon Nagatuon

Kon nagahanda kita sa pagtuon, pwede natong pangutan-on ro atong sarili, ‘Ano baea ang matun-an kara?’ Pero, kinahang-ean naton maghaeong. Basi magpukos eang kita sa kon ano ro atong gustong matun-an kaysa sa gustong ituro katon ni Jehova. Ngani paano mangin bukas ro atong isip kon nagatuon kita?

Mangayo it kaaeam. Mangamuyo kay Jehova nga buligan ka nga maintindihan ro gusto nang ituro kimo makaron. (Sant. 1:5) Likawi nga magsalig sa ing mga hatun-an eon dati.​—Hulu. 3:​5, 6.

Batuna nga ro Biblia hay may gahum sa pagbulig. “Ro bisaea it Dyos buhi.” (Heb. 4:12) Ro buhi nga “bisaea” it Dyos hay may iba-ibang epekto katon sa kada pagbasa naton it Biblia—pero mangin posible eang ra kon handa kita magbaton sa atong matun-an habang ginabasa ra.

Apresyaha ro tanan nga ginhanda ni Jehova. Ro anang espiritwal nga pagkaon hay kapareho it “handaan nga may manami nga mga pagkaon.” (Isa. 25:6) Indi paglikawi it basa ro mga topiko nga para kimo hay indi mo ma-enjoy nga tun-an. Kon obrahon mo ra, makabenepisyo ka gid ag mas ma-enjoy mo ro pagtuon!