Gamita ro Biblia Pareho it Saeaming

Ginkumpara it disipulo nga si Santiago ro Biblia sa sangka saeaming, nga nagabulig katon nga makita kon anong klasi kita it tawo. (Sant. 1:​22-25) Paalin naton magamit it mayad ro Biblia bilang saeaming?

Basaha ra it mayad. Kon madali eang ro atong pagtan-aw sa saeaming, basi indi naton mapansin kon ano ro dapat natong ayuson sa atong sarili. Sa pareho nga paagi, kon madali eang man ro atong pagbasa it Biblia, indi man naton makita ro dapat natong bag-uhon. Para maobra ra, kinahang-ean natong basahon it mayad ro Biblia.

Magpukos sa ing paeauswagon bukon sa ana it iba. Kon nagatan-aw kita sa saeaming, makita man naton ro iba ag posibleng magpukos kita sa buko’t mayad nga atong makita kanda. Sa pareho nga paagi, posibleng gamiton man naton ro Biblia para makita ro mga saea it iba. Kon obrahon naton ron, indi naton makita o maitama ro dapat natong pauswagon sa atong sarili.

Mangin balanse. Kon nagapanaeaming kita ag nakapukos eang sa owa naton nailaan, posibleng madismaya kita. Kinahang-ean natong mangin balanse kon nagabasa it Bisaea it Dyos ag owa kita nagapaabot it sobra sa atong sarili kaysa sa ginapaabot ni Jehova.​—Sant. 3:17.