Ihanda Ing Tagipusuon Bago Magtuon

Kon nagatuon kita it Biblia, gusto naton nga ro atong mga matun-an parti kay Jehova hay makaimpluwensya sa atong mga ginaisip, ginabatyag, ag handum. Nagpakita si Esdras it mayad nga halimbawa kat “ginhanda [na] ro anang tagipusuon sa paghisayod sa Kasugoan ni Jehova.” (Esd. 7:10) Paalin naton matuead si Esdras?

Magpangamuyo. Umpisahi ing pagtuon paagi sa pangamuyo. Mangabay it bulig kay Jehova nga maintindihan ag maaplikar ro ing matun-an.​—Sal. 119:​18, 34.

Mangin mapainubuson. Ginatago it Dyos ro kamatuoran sa mga bugaeon nga nagaisip nga indi nanda kinahang-ean ro anang bulig para maintindihan ro Biblia. (Luc. 10:21) Owa man kita nagatuon para eang magpabugae nga abu kitang nasayran. Ag kon may nakita kita nga kinahang-ean bag-uhon, gusto naton nga mangin mapainubuson ag mag-obra it mga pagbag-o.

Magpamati it sangka Kingdom song. Ro musika hay may epekto sa atong baeatyagon. Ngani kon nagapamati kita it kanta bago magtuon, makabulig ra katon nga mangin handa ro atong tagipusuon.