Kon Paalin Matandaan ro mga Teksto

Nalisdan ka baea nga matandaan ing paborito nga mga teksto sa Biblia? Basi ratong mga teksto ro nagapaumpaw kimo, nagabulig kimo nga masuk-ean ro saea nga mga kaisipan, o basi rato ro gusto mong i-share sa iba. (Sal. 119:​11, 111) Tan-awa ro pila nga mga suhistyon nga makabulig kimo para matandaan ro mga teksto.

• Gamita ro tag nga feature sa JW Library^® app. Mag-obra it tag ag pangaeani ra it “Paborito nga mga Teksto,” ag i-save dikara ro mga teksto nga gusto mong tandaan.

• Ibutang ro teksto sa lugar nga madali makita. Isueat sa papel ro teksto nga gusto mong matandaan, ag ibutang ra sa lugar nga pirme mong makita. Ginabutang ra it iba sa may saeaming, o ginapagkit sa andang ref. Ro iba mat-a hay gina-screenshot ro teksto ag ginaobra ra nga wallpaper sa andang cellphone o computer.

• Mag-obra it mga flash card ag gamita ra. Isueat sa prente it card ro teksto ag isueat mat-a sa likod it card ro ginahambae it teksto. Ag testingi rayon kon matandaan mo ro ginahambae it teksto, o kon ano ra nga teksto.