Natun-an ni Jesus ro Pagkamatinumanon

Matinumanon gid pirme si Jesus kay Jehova. (Juan 8:29) Pero, ham-an nahambae it Biblia nga ‘natun-an na ro pagkamatinumanon paagi sa anang mga pag-antus’?​—Heb. 5:8.

Kat iya si Jesus sa eugta, naeksperyinsyahan na ro mga sitwasyon nga owa na maeksperyinsyahan sa eangit. Halimbawa, ginpabahoe imaw it buko’t perpektong mga ginikanan. (Luc. 2:51) Gintiis na ro buko’t patas nga pagtratar kana it relihiyusong mga lider ag ku mga opisyal it gubyerno. (Mat. 26:59; Mar. 15:15) Ag gin-antus na man ro masakit nga kamatayon. Ginahambae it Biblia: “Nagpaubos imaw sa anang kaugalingon ag nagmasinueondon hasta sa kamatayon.”​—Fil. 2:8.

Rayang mga eksperyinsya hay nagturo kay Jesus it pagkamatinumanon nga owa na gid natun-an sa eangit. Ngani imaw ro perpektong Hari ag Mataas nga Saserdote, nga makaintindi gid katon. (Heb. 4:15; 5:9) Ag mas ginpalangga imaw ni Jehova dahil sa anang pagkamatinumanon maskin pa nag-antus imaw. Pareho kay Jesus, mas palanggaon man kita ni Jehova ag magamit sa maskin alin man nga asayment nga itao na katon kon padayon kitang mangin matinumanon kana maskin sa malisud nga mga sitwasyon.​—Sant. 1:4.