Matapos Pa Baea ro Pag-antos?

ANO RO GINAHAMBAE IT BIBLIA

“Ag pagapahiran [it Dyos] ro tanan nga euha sa andang mga mata. Owa eon it kamatayon, kasubo, pagtangis, ukon kasakit.”—Pahayag 21:3, 4, Ro Bag-o nga Kasugtanan—Ku Baeaan nga Biblia.

ANO RAYA PARA KIMO

Buko’t Dyos ro ginhalinan it atong mga problema.—Santiago 1:13.

Makasalig kita nga nabatyagan it Dyos ro atong kalisod.—Zacarias 2:8, NW.

Matapos eon ro tanan nga kalisdanan.—Salmo 37:9-11, NW.

MAPATIHAN GID BAEA NATON RO BIBLIA?

Huo, sa daywang ka rason:

• Akig ro Dyos sa inhustisya ag kalisdanan. Isipa kon ano ro ginabatyag ni Jehova nga Dyos ku tyempo it Biblia kat ginapintasan ro anang mga katawhan. Ginahambae it Biblia nga nasakitan imaw tungod sa “ratong nagahingabot kanda.”—Hukom 2:18, New World Translation.

  Naakig ro Dyos sa mga tawo nga gapanakit sa iba. Halimbawa, ro Biblia naghambae nga ro tanan nga nagapamatay hay ginakangil-aran nana.—Hulubaton 6:16, 17, NW.

• Nagakabaeaka ro Dyos sa kada isaea. Nasayran ku kada tawo “ro anang kalisdanan ag ro anang kasakit.” Mas eabi eon gid si Jehova!—2 Cronica 6:29, 30, NW.

  Madali lang tapuson ni Jehova ro kalisdanan ku kada tawo paagi sa anang Ginharian. (Mateo 6:9, 10) Sa makaron, ginaeugpayan na ratong mga nagausoy kana.—Binuhatan 17:27; 2 Corinto 1:3, 4.