Paano Ka Makabenepisyo sa mga Miting ku mga Saksi ni Jehova?

Naka-attend ka eon baea sa mga miting ku mga Saksi ni Jehova? Kon owa pa, basi mahuya ka sa una mong pag-attend. Basi maisip mo: ‘Ano ro ginaobra sa rayang mga miting? Ham-an importante ra? Ham-an dapat ako mag-attend?’ Sa rayang leksyon, matun-an mo kon paano ka makabenepisyo sa miting ag mabuligan ka kara nga mas mag-eapit sa Dyos.

1. Ham-an nagatipon ro mga Saksi ni Jehova?

Ginhambae it sangka manogsueat it Biblia ro pinakaimportante nga rason kon ham-an dapat magtipon: “Sa mabahoe nga kongregasyon, [o, pagtieipon] dayawon ko si Jehova.” (Salmo 26:12) Makaron, masadya man nga nagatipon ro mga Saksi ni Jehova. Sa bilog nga kalibutan, nagatipon sanda kada domingo agud dayawon ro Dyos, nagakanta sanda, ag nagapangamuyo. Sa sueod it sang dag-on, may mabahoe man sanda nga pagtieipon.

2. Ano ro matun-an mo sa among mga miting?

Sa among mga miting, ginagamit ro Bisaea it Dyos, ag ‘ginapaathag ro kahueogan kara sa simple ag klaro nga paagi.’ (Basaha ro Nehemias 8:8.) Sa imong pag-attend, matun-an mo ro parti kay Jehova ag sa anang manami nga mga ugali. Habang ginatun-an mo pa gid kon mauno ka nana kapalangga, mas magaeapit ka pa kana. Matun-an mo man kon paano ka nana mabuligan agud mangin makaaeayaw ro imong kabuhi.—Isaias 48:17, 18.

3. Ano ro mga benepisyo kon makilaea mo ro iba sa among mga miting?

Nagsugo si Jehova nga “magkabaeaka kita sa kada isaea, nga nagabueoligan sa pagpakita it gugma ag sa paghimo it mayad. Ag indi naton pagkalipatan ro mag-adto sa atong mga pagtililipon.” (Hebreo 10:24, 25) Sa among mga miting, makilaea mo ro matuod nga nagapalangga sa kada isaea, ag pareho mo, gusto man nanda magtuon parti sa Dyos. Makapalig-on ag manami nga istorya halin sa Biblia ro imong mabatian igto. (Basaha ro Roma 1:11, 12.) Makilaea mo igto ro mga tawo nga masadya gihapon maskin may mga problema. Raya ro mga rason kon ham-an gusto ni Jehova nga regular kita nga magtipon!

TUN-I PA GID

4. Mga miting ku mga Saksi ni Jehova

Ro unang siglo nga mga Cristyano hay regular nga nagatipon agud simbahon si Jehova. (Roma 16:3-5) Basaha ro Colosas 3:16, ag talakaya rayon rayang pangutana:

• Paano nagasimba kay Jehova ro unang mga Cristyano?

VIDEO: Ano ro Ginaobra sa Kingdom Hall? (2:12)

• Ano ro pagkapareho sa ginaobra sa Kingdom Hall ag sa nabasa mo sa Colosas 3:16?

• Sa video o sa piktyur, ano pa ro nagustuhan mo sa mga miting?

Basaha ro 2 Corinto 9:7, ag talakaya rayon rayang pangutana:

• Ham-an owa it bayad ro pag-attend sa mga miting ku mga Saksi ni Jehova?

Tan-awa kaibahan it naga-Bible study kimo, ro talakayon sa masunod nga miting.

• Ano ro parte it miting nga nailaan mo o makabulig kimo?

Sayod mo baea?

Makita mo sa jw.org, kon siin ag kon hin-uno ro mga miting sa bilog nga kalibutan.

1. Sa among miting, may mga diskurso sa Biblia, mga demonstrasyon, ag mga video. Nagaumpisa ra ag nagatapos sa pagkanta ag pangamuyo

2. Sa pila nga parte it programa pwede makasabat ro mga naga-attend

3. Welcome ro tanan—mga pamilya, single, magueang, ag mga unga

4. Owa it bayad ro among mga miting. Owa nagapangolekta it kwarta ro mga Saksi ni Jehova

5. Magtinguha agud maka-attend sa mga miting

Tan-awa ro halimbawa ku pamilya ni Jesus. Kada dag-on, nagatikang sanda it 100 nga kilometro sa mabukid nga daean halin sa Nazaret pa Jerusalem agud mag-agto sa templo. Basaha ro Lucas 2:39-42, ag talakaya rayon rayang mga pangutana:

• Kon kimo, madali eang baea mag-agto sa Jerusalem?

• Ham-an kinahang-ean mo magtinguha agud maka-attend sa mga miting?

• Sulit baea nga obrahon mo ra? Ham-an?

• Ham-an dapat kita mag-attend it regular sa mga miting?

SUMARYO

Mabuligan ka it pag-attend sa mga miting nga magtuon parti kay Jehova, mas mag-eapit kana, ag masimba imaw kaibahan it iba.

Review

• Ham-an gusto ni Jehova nga magtipon kita?

• Ano ro matun-an mo sa mga miting ku mga Saksi ni Jehova?

• Ano pa gid ro mga benepisyo kon naga-attend ka sa mga miting?

SAYURA

Kon nahuya ka mag-attend sa miting, makabulig rayang halimbawa it sangka eaki.

Indi Namon Malipatan ro Andang Pagmueo (4:16)

Tan-awa kon paano nag-enjoy ro sangka bataon sa pag-attend it mga miting ag kon paano imaw nakapadayon sa pag-attend.

Naila gid Ako Mag-attend it mga Miting! (4:33)

Sayura kon ano ro ginbatyag it iba sa pag-attend it mga miting.

“Ngaa Dapat Ako Mag-attend sa Kingdom Hall?” (Artikulo sa website)

Tan-awa kon paano nagbag-o ro kabuhi it sangka bayolente nga myembro it gang kat nag-attend imaw sa miting ku mga Saksi ni Jehova.

“May Pusil Ako Bisan Diin Magkadto” (Ang Lalantawan, Hulyo 1, 2014)