LEKSYON 22
Paano Mo Masugid sa Iba ro Mayad nga Balita?
Habang ginatun-an mo ro kamatuoran sa Biblia, basi maisip mo nga, ‘Dapat ra masayran it tanan!’ Matuod gid ron! Pero, basi nakuebaan ka nga isugid sa iba ro imong hatun-an. Talakayon naton kon paano maduea ing kueba ag mangin masadya sa pagsugid sa iba it mayad nga balita.
1. Paano mo masugid sa ing mga kakilaea ro imong mga hatun-an?
Ginhambae it mga disipulo ni Jesus: “Indi kami makapugong sa among kaugalingon sa pagsugid sa among nakita ag nabatian.” (Binuhatan 4:20) Gin-apresyar gid nanda ro andang natun-an, ngani gusto gid nanda nga masugid ra kon posible sa mas abu nga tawo. Makara man baea ing nabatyagan? Kon huo, mag-usoy it tsansa nga masugid it matinahuron ro imong mga hatun-an sa ing pamilya ag mga amigo.—Basaha ro Colosas 4:6.
Mga pwede mong obrahon
Kon nagaistorya ka sa ing pamilya, pwede mong isugid ro topiko sa Biblia paagi sa paghambae: “May manami akong hatun-an makarang domingo.”
Magsugid it makapalig-on nga teksto sa Biblia sa imong amigo nga nagamasakit o nagakabaeaka.
Isugid sa ing mga katrabaho nga nagapangamusta kimo ro imong hatun-an sa Biblia o sa miting sa kongregasyon.
Ipakita sa ing mga amigo ro website nga jw.org.
Sampita ro iba nga ibhan ka sa inyong pagtuon sa Biblia, o ipakita kanda kon paano mag-request it Bible study sa jw.org.
2. Ham-an sulit nga obrahon ro pag-preaching kaibahan it kongregasyon?
Ro mga disipulo ni Jesus hay owa eamang nagsugid it mayad nga balita sa mga kakilaea nanda. “Ginpadaea [sanda ni Jesus] it tigdaywa-daywa sa pag-una kana sa kada ka mga banwa” para magwali. (Lucas 10:1) Ro organisado nga ueobrahon sa pag-preaching hay nagtao it mas abu nga tsansa sa mga tawo nga mabatian ro mayad nga balita. Tungod gaieiba sanda mag-preaching mas nagtao kanda ra it kasadya. (Lucas 10:17) Gusto mo man baea nga mangin goal ro pag-preaching kaibahan it kongregasyon?
TUN-I PA GID
Sayura kon paano maduea ing kueba ag makabatyag it kasadya sa pagsugid it mayad nga balita.
3. Kaibahan mo si Jehova
Nakuebaan ro iba mag-preaching tungod nahadlok sanda sa hambaeon o mangin reaksyon it andang kaistorya.
Nakuebaan ka man baea nga isugid sa iba ro ing hatun-an? Ham-an ruyon ing sabat?
Tan-awa ro VIDEO, ag talakaya rayon rayang pangutana.
Ano ro gin-obra it mga bataon nga Saksi agud maduea ro andang kueba?
Basaha ro Isaias 41:10, ag talakaya rayon rayang pangutana:
Paano makabulig kimo ro pagpangamuyo kon nakuebaan ka mag-preaching?
Sayod mo baea?
Abung mga Saksi ni Jehova ro nagaisip kato nga indi nanda kayang isugid sa iba ro mayad nga balita. Halimbawa, si Sergey hay nakabatyag man kato nga indi na kayang mag-istorya sa iba. Pero kat nagtuon imaw it Biblia, nahambae na: “Maskin nakuebaan ako, ginsugid ko gihapon sa iba ro ang hatun-an. Nakibot ako nga habang ginasugid ko ro parti sa Biblia, mas nagdugang ro ang kumpyansa sa sarili ag mas nagbakud pa gid ro akong pagtuo.”
4. Mangin matinahuron
Kon ginasugid mo ro mayad nga balita sa iba, indi eang pag-isipa kon ano ing ihambae kundi kon paano mo man ra ihambae. Basaha ro 2 Timoteo 2:24 ag 1 Pedro 3:15, ag talakaya rayon rayang mga pangutana:
Paano mo magamit rayang mga teksto kon nagaistorya ka sa iba parti sa Biblia?
Basi ro pila sa ing pamilya o amigo hay indi magpati kimo. Ano ing obrahon? Ano ing indi dapat obrahon?
Ham-an mas mayad nga maggamit it matinahuron nga mga pangutana kaysa ipilit mo ing pagpati?
5. Mangin masadya ka kon isugid mo ro mayad nga balita
Ginsugo ni Jehova si Jesus nga isugid ro mayad nga balita. Ano ro pagtan-aw ni Jesus sa rayang sugo? Basaha ro Juan 4:34, ag talakaya rayon rayang mga pangutana:
Makabulig ro masustansyang pagkaon agud mabuhi kita ag mangin masadya. Ham-an ginkompara ni Jesus sa pagkaon ro pag-obra ku kabubut-on it Dyos, eakip eon ro pagsugid it mayad nga balita?
Ano ing mabatyagan kon isugid mo ro mayad nga balita sa iba?
Mga Tip
Sa midweek meeting, tan-awa kon paano umpisahan ro pag-istorya sa iba.
Pangutan-a ro naga-Bible study kimo kon paano ka mataw-an it parte o assignment sa midweek meeting. Makabulig ra kimo agud mangin mas handa ka sa pagsugid it imong hatun-an sa iba.
Gamita ro mga seksyon nga “Kon May Maghambae” o “Kon May Magpangutana” sa rayang libro, agud mahandaan mo kon paano sabton ro mga pangutana ag pagkontra.
KON MAY MAGPANGUTANA: “Kamusta ka eon?”
Paano mo gamiton rayang tsansa agud isugid kana ing hatun-an sa Biblia?
SUMARYO
Mangin masadya ka kon isugid mo sa iba ro mayad nga balita, ag kaya mo gid ra obrahon.
Review
Ham-an dapat mo isugid sa iba ro mayad nga balita?
Paano mo ra maobra nga may pagtahod?
Ano ing pwedeng obrahon agud maduea ing kueba kon naga-preaching?
SAYURA
Tun-i ro ap-at nga paagi kon paano mo isugid ro mayad nga balita gamit ro jw.org contact card.
Tun-i ro ap-at nga ugali nga makabulig kimo agud masugid mo ro mayad nga balita.
“Handa Ka Na Bala Mangin Mangingisda sang mga Tawo?” (Ang Lalantawan, Septiembre 2020)
Tan-awa ro halimbawa sa Biblia nga makatao katon it kaisog nga maisugid sa iba ro mayad nga balita, maskin bata ka pa.
Sayura kon paano mo isugid ro ing hatun-an parti sa Biblia sa imong pamilya nga owa pa nakakilaea kay Jehova.
“Paglab-ot sa Tagipusuon sang Indi Tumuluo nga mga Paryente” (Ang Lalantawan, Marso 15, 2014)