LEKSYON 54
Ro Ueobrahon it “Masaligan ag Maaeam nga Sueoguon”
Si Jesus ro Ueo it Cristyanong kongregasyon. (Efeso 5:23) Makaron, ginainstruksyunan ni Jesus halin sa eangit ro anang mga sumoeunod iya sa eugta paagi sa “masaligan ag maaeam nga sueoguon.” (Basaha ro Mateo 24:45.) Tungod si Jesus ro nagpili sa ruyong “sueoguon,” gintaw-an na sanda it awtoridad. Pero padayon gihapon sanda nga nagasunod kay Cristo ag nagaalagad sa mga igmanghod it Cristo. Sin-o ruyong sueoguon? Paano nanda kita ginadipara?
1. Sin-o “ro masaligan ag maaeam nga sueoguon”?
Ginagamit pirme ni Jehova ro sangka eaki o maisot nga grupo it mga eaki agud magtao it instruksyon sa anang katawhan. (Malaquias 2:7; Hebreo 1:1) Pagkamatay ni Jesus, ro mga apostoles ag mga elder sa Jerusalem ro nagpanguna. (Binuhatan 15:2) Ginaobra man ron makaron it maisot nga grupo it mga elder, ro Nagadumaea nga Grupo it mga Saksi ni Jehova nga nagatao it espiritwal nga pagkaon ag nagapanguna sa pagwali nga ueobrahon. Rayang grupo hay “ro masaligan ag maaeam nga sueoguon” nga ginpili ni Jesus. (Mateo 24:45a) Tanan nga myembro it Nagadumaea nga Grupo hay mga Cristyano. Ginpili sanda it baeaan nga espiritu nga maggahum kaibahan it Cristo sa anang eangitnon nga Ginharian kon matapos eon ro andang kabuhi iya sa eugta.
2. Ano ro espiritwal nga pagkaon nga ginatao it masaligan nga sueoguon?
Ginhambae ni Jesus nga ro masaligan nga sueoguon hay handa sa “pagtao [sa kapareho nanda nga mga Cristyano] it andang pagkaon sa nagakaigo nga oras.” (Mateo 24:45b) Ro literal nga pagkaon hay makabulig katon nga mangin mabaskog ag mayad ro atong pang-eawas. Makaruyon man sa espiritwal nga pagkaon o instruksyon halin sa Bisaea it Dyos. Nagabulig ra katon nga mangin mabakud ro atong relasyon kay Jehova ag maobra naton ro ginsugo ni Jesus. (1 Timoteo 4:6) Mabaton naton ruyong espiritwal nga pagkaon paagi sa mga miting, asembliya, ag kunbensyon pati man sa base sa Biblia nga mga publikasyon ag video. Nagabulig raya katon agud maeubtan ro gusto it Dyos ag mapabakud ro atong relasyon kana.
TUN-I PA GID
Sayura kon ham-an kinahang-ean naton “ro masaligan ag maaeam nga sueoguon”—ro Nagadumaea nga Grupo.
Ro Nagadumaea nga Grupo hay nagatao it espiritwal nga pagkaon, instruksyon, ag praktikal nga bulig para sa mga Saksi ni Jehova sa bilog nga kalibutan
3. Dapat mangin organisado ro katawhan ni Jehova
Sa pagdumaea ni Jesus, ginaorganisar it Nagadumaea nga Grupo ro ueobrahon it mga Saksi ni Jehova. Gin-obra man ron sa panahon it mga Cristyano kato. Tan-awa ro VIDEO.
Basaha ro 1 Corinto 14:33, 40, ag talakaya rayon rayang pangutana:
Paano rayang teksto nagapakita nga gusto ni Jehova nga mangin organisado ro anang mga Saksi?
4. Ginaorganisar it masaligan nga sueoguon ro pagwali nga ueobrahon
Ro pinakaimportante nga ueobrahon it unang mga Cristyano kato hay ro pagwali. Basaha ro Binuhatan 8:14, 25, ag talakaya rayon rayang mga pangutana:
Sa unang mga Cristyano kato, sin-o ro nagtao it instruksyon kon paano obrahon ro pagwali?
Ano ro gin-obra nanday Pedro ag Juan sa instruksyon it andang kapareho nga mga apostoles?
Ro pagwali ro pinakaimportante nga ueobrahon nga gin-organisar it Nagadumaea nga Grupo. Tan-awa ro VIDEO.
Ginpabahoe ni Jesus nga importante gid ro pagwali nga ueobrahon. Basaha ro Marcos 13:10, ag talakaya rayon rayang mga pangutana:
Ham-an importante gid ro pagwali nga ueobrahon sa Nagadumaea nga Grupo?
Ham-an kinahang-ean naton “ro masaligan ag maaeam nga sueoguon” para maorganisar rayang bilog kalibutan nga ueobrahon?
5. Nagatao it instruksyon ro masaligan nga sueoguon
Nagatao it instruksyon ro Nagadumaea nga Grupo sa mga Cristyano sa bilog nga kalibutan. Paano nanda ginaobra ron? Sayura kon paano ra gin-obra it nagadumaea nga grupo sa unang mga Cristyano kato. Basaha ro Binuhatan 15:1, 2, ag talakaya rayon rayang mga pangutana:
Ano ro rason kon ham-an owa nagkaeasugot ro unang mga Cristyano kato?
Kanyo nag-agto sanday Pablo, Bernabe, ag iba pa agud maayos ro isyu?
Basaha ro Binuhatan 15:12-18, 23-29, ag talakaya rayon rayang pangutana:
Bago mag-obra it desisyon, ano ro gin-obra it nagadumaea nga grupo kato agud masayran ro kaisipan it Dyos sa sangka bagay?—Tan-awa ro bersikulo 12, 15, ag 28.
Basaha ro Binuhatan 15:30, 31 ag 16:4, 5, ag talakaya rayon rayang mga pangutana:
Ano ro gin-obra it unang mga Cristyano kato sa instruksyon halin sa nagadumaea nga grupo?
Paano ginpakamayad ni Jehova ro andang pagtuman?
Basaha ro 2 Timoteo 3:16 ag Santiago 1:5, ag talakaya rayon rayang pangutana:
Siin nagausoy it giya ro Nagadumaea nga Grupo kon nagaobra sanda it mga desisyon makaron?
KON MAY MAGHAMBAE: “Tawo malang ro Nagadumaea nga Grupo, indi man kinahang-ean nga sundon mo sanda.”
Ano ro nagkumbinsi kimo nga ginadumaeahan ni Jesus ro Nagadumaea nga Grupo?
SUMARYO
Ro Nagadumaea nga Grupo hay “ro masaligan ag maaeam nga sueoguon” nga ginpili it Cristo. Nagatao sanda it instruksyon ag espiritwal nga pagkaon sa mga Cristyano sa bilog nga kalibutan.
Review
Sin-o ro nagpili sa “masaligan ag maaeam nga sueoguon”?
Paano kita ginadipara it Nagadumaea nga Grupo?
Nagapati ka baea nga ro Nagadumaea nga Grupo hay “ro masaligan ag maaeam nga sueoguon”?
SAYURA
Sayura kon paano ginaorganisar it Nagadumaea nga Grupo ro andang ueobrahon.
“Ano ang Nagadumala nga Hubon sang mga Saksi ni Jehova?” (Artikulo sa website)
Sayura kon paano ginasigurado it Nagadumaea nga Grupo nga masaligan ro espiritwal nga pagkaon nga atong ginabaton.
Ano ro ginabatyag it mga myembro it Nagadumaea nga Grupo sa ueobrahon nga gintao kanda ni Jesus?
Paano ginapamatud-an it atong mga miting ag kunbensyon nga ginagiyahan ni Jehova ro Nagadumaea nga Grupo?