Ro pinakaimportante nga mensahe it Biblia hay ro Ginharian it Dyos. Gamiton ni Jehova ro Ginharian agud matuman ro anang orihinal nga katuyuan sa eugta. Ano ro Ginharian? Paano naton nasayran nga nagagahum eon ra makaron? Ano eon ro haobra kara? Ag ano man ro obrahon kara sa paeaabuton? Rayang mga pangutana hay masabat sa rayang leksyon ag sa masunod pa nga daywang leksyon.

1. Ano ro Ginharian it Dyos, ag sin-o ro Hari kara?

Ro Ginharian hay sangka gubyerno nga gintukod ni Jehova nga Dyos. Si Jesu-Cristo ro Hari kara nga nagagahum halin sa eangit. (Mateo 4:17; Juan 18:36) Nagahambae ro Biblia parti kay Jesus: “Manginhari imaw sa . . . owa it katapusan.” (Lucas 1:32, 33) Bilang Hari ku Ginharian it Dyos, gamhan ni Jesus ro tanan iya sa eugta.

2. Sin-o ro magagahum kaibahan ni Jesus?

Bukon eang it si Jesus ro magagahum. Ro mga tawo nga “halin sa kada tribu, lenggwahe, kabanwahonan, ag rasa . . . magagahum sa eugta.” (Pahayag 5:9, 10) Pila ro makaibahan it Cristo sa paggahum? Kat iya si Jesus sa eugta, minilyon nga Cristyano ro nangin sumoeunod nana. Pero 144,000 eang ro mapaeangit agud maggahum kaibahan ni Jesus. (Basaha ro Pahayag 14:1-4.) Ro ibang mga Cristyano hay mangin pumoeuyo it Ginharian iya sa eugta.—Salmo 37:29.

3. Ham-an mas mayad ro Ginharian it Dyos kaysa sa gubyerno it tawo?

Maskin gusto obrahon ku gubyerno it tawo ro mayad, owa gid sanda it gahum nga obrahon ro tanan nanda nga gusto. Pwede sanda buslan it ibang manoggahum nga owa’t pagpalangga sa andang sinakpan. Pero ro Manoggahum it Ginharian it Dyos, nga si Jesus hay indi gid pagbuslan it maskin sin-o man. Ro Dyos hay “magatukod it ginharian nga indi gid maguba.” (Daniel 2:44) Gamhan ni Jesus ro bilog nga eugta, ag indi imaw magpakita it paboritismo. Mapinalanggaon imaw, mabuot, ag patas sa tanan. Ag tur-an na man ro mga tawo nga obrahon ra sa iba.—Basaha ro Isaias 11:9.

4. Sangka gamhanan nga gubyerno ro magagahum sa bilog nga eugta

Mas may gahum si Jesu-Cristo nga magdumaea kaysa sin-o man nga naggahum. Basaha ro Mateo 28:18, ag talakaya rayon rayang pangutana:

• Ham-an mas mataas ro awtoridad ni Jesus kaysa sin-o man nga manoggahum?

Nagabag-o pirme ro gubyerno it tawo, ag ro kada isaea kanda hay nagagahum eang sa sangka parte it eugta. Kamusta mat-a sa Ginharian it Dyos? Basaha ro Daniel 7:14, ag talakaya rayon rayang mga pangutana:

• Ham-an it mayad nga indi maguba o mawasak ro Ginharian it Dyos?

• Ham-an it mayad nga magagahum ra sa bilog nga eugta?

5. Buslan ro gubyerno it tawo

Ham-an dapat buslan ku Ginharian it Dyos ro gubyerno it tawo? Tan-awa ro VIDEO, ag talakaya rayon rayang pangutana.

VIDEO: Ano ro Ginharian it Dyos?—Porsyon sa Video (1:41)

• Ano ro nangin resulta it pagdumaea ku tawo?

Basaha ro Manugwali 8:9, ag talakaya rayon rayang mga pangutana:

• Kon kimo, dapat baea buslan ku Ginharian it Dyos ro gubyerno it tawo? Ham-an?

6. Ro Ginharian it Dyos hay may mga manoggahum nga nakaintindi katon

Tungod ro atong Hari nga si Jesus hay nagkabuhi bilang tawo, imaw hay “nagabatyag man sa atong mga kaeuyahon.” (Hebreo 4:15) Ro 144,000 nga matutom nga mga eaki ag bayi nga makaibahan ni Jesus nga maggahum hay ginpili ni Jehova “halin sa kada tribu, lenggwahe, kabanwahonan, ag rasa.”—Pahayag 5:9.

• Ham-an manami masayran nga si Jesus ag ro anang makaibahan sa paggahum hay nakasayod kon mauno mabuhi bilang tawo?

7. Mas mataas ro kasugoan ku Ginharian it Dyos

Nagaobra it mga kasugoan ro gubyerno agud buligan ag protektahan ro andang mga pumoeuyo. May mga kasugoan man ro Ginharian it Dyos nga dapat sundon it andang mga sinakpan. Basaha ro 1 Corinto 6:9-11, ag talakaya rayon rayang mga pangutana:

• Kon kimo, ano ro mangin sitwasyon it kalibutan kon ro tanan hay nagasunod sa mga ginapatuman it Dyos?a

• Kon kimo, mapaabot baea ni Jehova nga sundon it mga sinakpan ku Ginharian ro anang mga ginapatuman? Ham-an?

• Ano ro nagapakita nga pwedeng magbag-o ratong mga owa nagasunod sa mga kasugoan it Dyos?—Tan-awa ro bersikulo 11.

SUMARYO

Matuod nga gubyerno ro Ginharian it Dyos sa eangit nga magagahum sa bilog nga eugta.

Review

• Sin-o ro magagahum sa Ginharian it Dyos?

• Ham-an mas mataas ro Ginharian it Dyos kaysa sa tanan nga gubyerno it tawo?

• Ano ro mga ginapaabot ni Jehova nga obrahon it mga sinakpan ku anang Ginharian?

SAYURA

Siin ro Ginharian? Tun-i ro ginturo ni Jesus.

“Una Baea sa Imong Tagipusuon ro Ginharian it Dyos?” (Artikulo sa website)

Ham-an mas ginasuportahan it mga Saksi ni Jehova ro Ginharian it Dyos kaysa sa gubyerno it tawo?

Ginharian it Dyos Eang ro Andang Ginsuportahan (1:43)

Sayura ro ginahambae it Biblia parti sa 144,000 nga ginpili ni Jehova nga maggahum kaibahan ni Jesus.

“Sin-o ang Mapalangit?” (Artikulo sa website)

Ano ro nagpakumbinsi sa bayi nga napriso nga Dyos eang ro makaduea it inhustisya sa kalibutan?

“Kon Paano Ko Nakita ang Sabat sa Inhustisya” (Magmata!, Nobiembre 2011)

Nag-umpisa sa paggahum ro Ginharian it Dyos sa eangit ku 1914. Sa ruyong dag-on man nag-umpisa ro katapusan nga mga inadlaw it paggahum ku tawo. Paano ta ron nasayran? Tan-awa ro mga hula sa Biblia, ro sitwasyon sa kalibutan ag ro mga ugali it tawo nga makita umpisa ku 1914.

1. Ano ro ginasugid it hula sa Biblia?

Ginasugid sa Biblia sa libro it Daniel nga ro Ginharian it Dyos hay magaumpisa sa paggahum sa katapusan it “pito nga panahon.” (Daniel 4:16, 17) Ginatos nga dag-on ku ulihi, gintukoy ni Jesus rayang panahon nga “adlaw nga matapos ro andang paggahum,” ag ginturo na nga owa pa ra natapos. (Lucas 21:24) Matun-an naton makaron nga ro pito nga panahon hay natapos ku 1914.

2. Ano ro sitwasyon sa kalibutan ag mga ugali it tawo nga makita umpisa ku 1914?

Nagpangutana ro mga disipulo ni Jesus kana: “Ano ro mangin paeatandaan it imong pag-abot it uman ag ro katapusan it kalibutan?” (Mateo 24:3) Bilang sabat, ginsugid ni Jesus ro abung mga bagay nga matabo kon maggahum eon imaw sa eangit bilang Hari sa Ginharian it Dyos. Ro pila kara hay inaway, gutom, ag mga linog. (Basaha ro Mateo 24:7.) Ginsugid man it Biblia ro mga ugali it mga tawo sa “katapusan nga tyempo” hay mangin rason nga “manginmabudlay gid” ro kabuhi. (2 Timoteo 3:1-5) Rayang mga sitwasyon sa kalibutan ag ro mga ugali it tawo hay makita gid umpisa ku 1914.

3. Ham-an mas nag-eain pa gid ro kalibutan umpisa kat naggahum ro Ginharian it Dyos?

Owa magbuhay pagkatapos nangin Hari si Jesus sa Ginharian it Dyos, nagpakig-away imaw sa eangit kontra kay Satanas ag sa mga demonyo. Napirdi si Satanas sa ruyong inaway. Ginahambae it Biblia nga “ginhueog imaw sa eugta, kaibahan ku tanan nana nga mga anghel.” (Pahayag 12:9, 12) Naakig gid si Satanas tungod sayod na nga dueaon imaw. Ngani, ginpaantus na ro mga tawo sa bilog nga eugta. Owa kita nangawa kon ham-an maeain gid ro sitwasyon sa kalibutan! Dueaon ku Ginharian it Dyos rayang tanan nga problema.

TUN-I PA GID

4. Nagaturo ro kronolohiya sa Biblia nga ku 1914 naggahum ro Ginharian it Dyos

VIDEO: Nag-umpisa sa Paggahum ro Ginharian it Dyos ku 1914 (5:02)

Ginpakita it Dyos kay Hari Nabocodonosor it Babilonia ro sangka hula paagi sa damgo. Rayang damgo hay gintaw-an it kahueogan ni Daniel. Base kana, matuman ra sa paggahum ni Nabocodonosor ag sa Ginharian it Dyos.—Basaha ro Daniel 4:17.a

Basaha ro Daniel 4:20-26, ag gamita rayon ro chart sa pagsabat sa rayang mga pangutana:

• (A) Ano ro nakita ni Nabocodonosor sa anang panamgo?—Tan-awa ro bersikulo 20 ag 21.

• (B) Ano ro matabo sa puno?—Tan-awa ro bersikulo 23.

• (C) Ano ro matabo sa katapusan it “pito nga panahon”?—Tan-awa ro bersikulo 26.

Kon Paano Naangot ro Damgo Parti sa Puno sa Ginharian it Dyos

RO HULA (Daniel 4:20-36)

Paggahum

(A) Ro mabahoe nga puno

Napundo ro paggahum

(B) “Pukana ro puno,” ag “pataliwana ro pito nga panahon”

Nabalik ro paggahum

(C) “Ibalik kimo ro imong ginharian”

Sa unang katumanan it rayang hula . . .

• (D) Sin-o ro ginarepresentar it puno?—Tan-awa ro bersikulo 22.

• (E) Paano napundo ro anang paggahum?—Basaha ro Daniel 4:29-33.

• (F) Ano ro natabo kay Nabocodonosor sa katapusan it “pito nga panahon”?—Basaha ro Daniel 4:34-36.

UNANG KATUMANAN

Paggahum

(D) Nabocodonosor, Hari it Babilonia

Napundo ro paggahum

(E) Pagkatapos it 606 B.C.E., nagkaumangon si Nabocodonosor ag napundo ro anang paggahum sa sueod it literal nga pitong dag-on

Nabalik ro paggahum

(F) Nagmayad si Nabocodonosor ag naggahum it uman

Sa pangaywang katumanan it rayang hula . . .

• (G) Sin-o ro ginarepresentar it puno?—Basaha ro 1 Cronica 29:23.

• (H) Paano napundo ro andang paggahum? Paano naton nasayran nga owa gihapon sanda nagagahum kat iya si Jesus sa eugta?—Basaha ro Lucas 21:24.

• (I) Hin-uno ag siin ibalik ro paggahum?

PANGAYWANG KATUMANAN

Paggahum

(G) Mga hari it Israel nga nagrepresentar sa paggahum it Dyos

Napundo ro paggahum

(H) Ginwasak ro Jerusalem, ag naputoe ro linya ku mga hari it Israel sa sueod it 2,520 nga dag-on

Nabalik ro paggahum

(I) Nag-umpisa si Jesus sa paggahum sa eangit bilang Hari ku Ginharian it Dyos

5. Nagbag-o ro kalibutan umpisa ku 1914

Tan-awa ro VIDEO.

VIDEO: Nagbag-o ro Kalibutan Umpisa ku 1914 (1:10)

Ginsugid ni Jesus kon ano ro mangin sitwasyon sa kalibutan kon maghari eon imaw. Basaha ro Lucas 21:9-11, ag talakaya rayon rayang pangutana:

• Alin sa rayang mga sitwasyon ro imong hakita o habatian eon?

Ginsugid ni apostol Pablo kon ano ro mangin ugali it mga tawo sa katapusan nga mga inadlaw ku paggahum it tawo. Basaha ro 2 Timoteo 3:1-5, ag talakaya rayon rayang pangutana:

• Alin sa rayang mga ugali ing makita makaron?

6. Ro paggahum ku Ginharian it Dyos hay nagapahueag katon

Basaha ro Mateo 24:3, 14, ag talakaya rayon rayang mga pangutana:

• Ano ro importanteng ueobrahon nga nagapakita nga nagagahum eon makaron ro Ginharian it Dyos?

• Ano ing obrahon agud maka-preaching ka man?

Nagagahum eon makaron ro Ginharian it Dyos, ag maeapit eon ra maggahum sa bilog nga kalibutan. Basaha ro Hebreo 10:24, 25, ag talakaya rayon rayang pangutana:

• Ano ro dapat natong obrahon ‘kapin pa nga nasayran naton nga maeapit eon ro adlaw ku Ginuo’?

SUMARYO

Ro hula sa Biblia, kronolohiya, ag mga sitwasyon sa kalibutan hay nagapamatuod nga ro Ginharian it Dyos hay nagagahum eon makaron. Mapakita naton nga nagapati kita kara kon ginasugid naton ra sa iba ag naga-attend kita sa mga miting sa kongregasyon.

Review

• Ano ro natabo sa katapusan it pito nga panahon nga ginsugid sa Biblia sa libro it Daniel?

• Ham-an kumbinsido ka nga nag-umpisa sa paggahum ro Ginharian it Dyos ku 1914?

• Paano mo mapakita nga nagapati ka nga nagagahum eon makaron ro Ginharian?

SAYURA

Sayura ro ginahambae it mga istoryador ag ibang tawo parti sa mga pagbag-o it kalibutan umpisa ku 1914.

“Sang Hinali Lang nga Nagnubo ang Moralidad” (Magmata!, Abril 2007)

Basaha kon ano ro epekto it hula sa Mateo 24:14 sa kabuhi it eaki.

“Ro Baseball ro Pinakaimportante sa Ang Kabuhi!” (The Watchtower No. 3 2017)

Paano naton nasayran nga parti sa Ginharian it Dyos ro hula sa Daniel kapitulo 4?

“San-o Nagsugod sa Paggahom ang Ginharian sang Dios? (Bahin 1)” (Ang Lalantawan, Oktubre 1, 2014)

Ano ro nagapamatuod nga ro “pito nga panahon” nga ginsambit sa Daniel kapitulo 4 hay natapos ku 1914?

“San-o Nagsugod sa Paggahom ang Ginharian sang Dios? (Bahin 2)” (Ang Lalantawan, Nobiembre 1, 2014)

Nagagahum eon ro Ginharian it Dyos. Sa indi magbuhay, abu nga mga pagbag-o ro obrahon kara sa eugta. Talakayon naton ro manami nga mga bagay nga obrahon it Ginharian.

1. Paano ibalik ku Ginharian it Dyos ro kalinong ag hustisya sa eugta?

Bilang Hari ku Ginharian it Dyos, dueaon ni Jesus ro maeain nga mga tawo ag ro mga gubyerno paagi sa inaway it Armagedon. (Pahayag 16:14, 16) Sa panahon ngaron, matuman ro promisa it Biblia: “Sa indi eon lang magbuhay, ag ro maeain hay maduea eon.” (Salmo 37:10) Paagi sa Ginharian, ibalik ni Jesus ro kalinong ag hustisya sa bilog nga eugta.—Basaha ro Isaias 11:4.

2. Ano ro mangin kabuhi kon matabo eon ro gusto it Dyos sa eugta?

Kon maggahum eon ro Ginharian it Dyos, “ro mga matarung ro magatag-ana it eugta, ag magaestar sanda kara sa owa it katapusan.” (Salmo 37:29) Imadyina nga ro tanan sa kalibutan hay matarung ag nagapalangga kay Jehova ag sa kada isaea! Owa eon it nagamasakit, ag ro tanan hay mabuhi sa owa’t katapusan.

3. Ano ro obrahon ku Ginharian it Dyos kon maduea eon ro mga maeain?

Pagkatapos dueaon ro mga maeain, magagahum si Jesus bilang Hari sa sueod it 1,000 nga dag-on. Sa panahon ngaron, makaibahan nana ro 144,000 nga maggahum agud buligan ro mga tawo sa eugta nga mangin perpekto. Sa katapusan it ruyong panahon, mangin manami nga paraiso ro eugta, ag ro tanan nga tawo hay masadya tungod ginasunod nanda ro mga sugo ni Jehova. Ibalik rayon ni Jesus ro paggahum it Ginharian sa anang Ama, nga si Jehova. Sa panahon ngaron, ‘madayaw gid ro ngaean’ ni Jehova. (Mateo 6:9, 10) Mapamatud-an gid kara nga mayad nga Manoggahum si Jehova nga nagakabaeaka sa anang mga sinakpan. Dueaon rayon ni Jehova si Satanas, ro mga demonyo, ag ro tanan nga magarebelde sa Anang paggahum. (Pahayag 20:7-10) Ro manami nga mga bagay nga obrahon ku Ginharian it Dyos hay magapadayon sa owa’t katapusan.

TUN-I PA GID

4. Tapuson ku Ginharian it Dyos ro tanan nga gubyerno it tawo

“Ginadumaeahan it tawo ro anang isigkatawo sa anang kasamaran.” (Manugwali 8:9) Paagi sa anang Ginharian, dueaon ni Jehova rayang inhustisya.

Basaha ro Daniel 2:44 ag 2 Tesalonica 1:6-8, ag talakaya rayon rayang mga pangutana:

• Ano ro obrahon ni Jehova ag ku anang Unga nga si Jesus sa gubyerno it tawo ag sa mga nagasuporta kara?

• Base sa imong hatun-an parti kay Jehova ag kay Jesus, ham-an makasalig ka nga tama ag patas ro andang obrahon?

5. Pinakamayad nga Hari si Jesus

Bilang Hari ku Ginharian it Dyos, abu nga obrahon si Jesus agud buligan ro mga tawo sa eugta. Tan-awa ro VIDEO agud makita nga gusto gid buligan ni Jesus ro mga tawo ag gintaw-an imaw it gahum ku Dyos nga obrahon ra.

VIDEO: Ginpakita ni Jesus kon Ano ro Obrahon it Ginharian (1:13)

Kat iya si Jesus sa eugta, ginpakita na kon ano ro obrahon it Ginharian. Alin sa rayang mga pagpakamayad nga mabasa sa idaeum ro nailaan mo gid? Basaha ro mga teksto parti sa rayang mga pagpakamayad.

6. Manami nga paeaabuton ro obrahon ku Ginharian it Dyos

VIDEO: Sang Sip-eat sa Manami nga Paeaabuton (4:38)

Basaha ro Salmo 145:16, ag talakaya rayon rayang pangutana:

• Ano ing nabatyagan kat hasayran mo nga itao ni Jehova ro “handum it kada buhi nga bagay”?

SUMARYO

Obrahon ku Ginharian it Dyos ro gusto ni Jehova nga matabo. Obrahon kara nga paraiso ro bilog nga eugta ag magaestar ro mabuot nga mga tawo nga magasimba kay Jehova sa owa’t katapusan.

Review

• Paano madayaw ku Ginharian it Dyos ro ngaean ni Jehova?

• Ham-an nagapati kita nga tumanon ku Ginharian it Dyos ro tanan nga promisa it Biblia?

• Ano ro gusto mo gid makita nga obrahon it Ginharian?

SAYURA

Sayura kon ano ro Armagedon.

“Ano ang Inaway sa Armageddon?” (Artikulo sa website)

Tun-i kon ano ro ginhambae ni Jesus nga matabo sa gintawag na nga mabahoe nga kasakitan.​—Mateo 24:21.

“Ano ang Dakung Kapipit-an?” (Artikulo sa website)

Tan-awa kon paano imadyinon it sangka pamilya nga igto eon sanda sa Paraiso.

Imadyina nga Una Ka Eon sa Paraiso (1:50)

Sa istorya nga “Madamo Ako sing Ginpaligban nga Pamangkot,” sayura kon paano nasabat ro mga pangutana it eaki nga nagrebelde sa gubyerno.

“Ang Biblia Nagapabag-o sang Kabuhi” (Ang Lalantawan, Enero 1, 2012)