Handa Eon Baea Ako?
Handa Eon Baea Ako Mag-preaching Kaibahan it Kongregasyon?
Pwede ka eon mangin unbaptized publisher kon . . .
Regular ka nga nagatuon it Biblia, nagapangamuyo, ag naga-attend sa mga miting it kongregasyon.
Ginapatihan ag ginaapresyar mo ro imong hatun-an ag gusto mo nga isugid ra sa iba.
Palangga mo si Jehova ag ginapili mo ro mga amigo nga nagapalangga man kana.
Bukon ka eon it myembro it maskin ano nga politikal nga grupo o buko’t matuod nga relihiyon.
Nagakabuhi ka base sa pagsueondan ni Jehova ag gusto mo nga mangin Saksi ni Jehova.
Kon sa tan-aw mo hay handa ka eon mag-preaching kaibahan it kongregasyon, buligan ka it nagaturo kimo sa Biblia nga maistorya ro mga elder kon paano ka mangin kwalipikado.
Handa Eon Baea Ako Magpabautismo?
Pwede ka eon magpabautismo kon . . .
Ikaw hay sangka unbaptized publisher.
Ginaobra mo ro tanan agud regular ka nga maka-preaching.
Ginasuportahan mo ro instruksyon it “masaligan ag maaeam nga sueoguon.”—Mateo 24:45-47.
Hadedikar mo eon ing sarili kay Jehova sa pangamuyo ag gusto mo nga alagaron imaw sa owa’t katapusan.
Kon sa tan-aw mo hay handa ka eon magpabautismo, buligan ka it nagaturo kimo sa Biblia nga maistorya ro mga elder kon paano ka mangin kwalipikado.