Mga Paagi Para Mapadayon Ing Pagbasa it Biblia

Dahil sa kasakuon, nalisdan ka baea nga sundon ing iskedyul sa pagbasa it Biblia kada adlaw? (Jos. 1:8) Kon huo, testingi ro sambilog sa rayang mga paagi:

• Mag-set it reminder. Mag-set it alarm sa ing cellphone para indi mo malipatan ro pagbasa it Biblia.

• Ibutang ing Biblia sa lugar nga madali mong makita. Kon nagabasa ka sa naimprenta nga Biblia, ibutang ra sa lugar nga madali mong makita adlaw-adlaw.​—Deut. 11:18.

• Magpamati it mga audio recording. Pamatii ro mga audio recording it Biblia habang ginaobra ing adlaw-adlaw nga mga ueobrahon. Ro nanay ag payunir nga si Tara, nga panggabii ro trabaho hay naghambae, “Nakabulig kakon ro pagpamati it audio Bible habang ginaobra ko ang mga ueobrahon sa baeay para padayon ko nga mabasa ro Biblia kada adlaw.”

• Indi magpundo. Kon may owa ginapaabot nga mga sitwasyon nga nga makaapekto sa ing pagbasa it Biblia, tinguhai nga magbasa it pila eang nga mga bersikulo bago magkatueog. Maskin sangkiri eang ing ginabasa kada adlaw, makabenepisyo ka gihapon.​—1 Ped. 2:2.