Awenen dash Wìn Na Jesos?

Jehovah ogì-ijinàjawàn Jesosan akìng. 1 John 4:9

Kìshpin wì-minwenindamiyang Jehovah, màmakàdj ke-bizindawang kodag àwiyag kà-apìtenindàgozidj. Pinawìgò chibwà-mashi Adam kà-gìjenindàgozidj, Jehovah ogì-gìjenimàn manidòn wàkwìng kà-gichi-mashkawizìnidj.

Nànàge, Jehovah ogì-ijinàjawàn kidji-bi-nìginidj Bethleheming. Mànì dash ijinikàzogoban ìyà tesanàkwe. Ìyà abinòdjìnjish kì-mìnà inònzowin Jesos.​—John 6:38.

Apìch dash akìng Jesos kà-bi-ininìwidj maya igodj nàsàb Kije-Manidò odinàdiziwin kì-inàdize. Kì-gijewàdize, kì-minwenindjige ashidj dash pemàdizidjig ogì-wì-nàskawàwàn. Kàwin kì-gotàdjisì kidji-gikinàmawàdj kodagan ìye tebwewin inakàg Jehovah.

Jesos kì-mino-dòdam anishà dash kì-zhìngenindàgoze. 1 Peter 2:21-24

Jesos kaye ogì-gìgeyàn onòn kà-àkozinidjin ashidj ogì-àbidjìbàyàn nànind kà-nibonidjin.

Ogo kà-nìgànì-ayamìyàdjig ogì-zhìngenimàwàn Jesosan ozam ogì-mishishibinigowàn egà kwayak kì-iji-gikinàmàgewàdj ashidj dash kà-iji-madji-ijiwebiziwàdj.

Ogo kà-nìgànì-ayamìyàdjig ogì-shàgòdjiyàwàn Romanan kidji-mìgànàwàdj Jesosan ashidj kidji-nisàwàdj.