Awegonen Màmakàdj Ke-dòdamang Kidji-minwenindamiyang Kije-Manidò?

Ayàngwàmìtan madjitwàwin. 1 Corinthians 6:9, 10

Kìshpin sàgiyang Jehovah kàwin kiga-dòdazìmin inen kà-zhingenindang.

Jehovah kàwin kinandawenimigosìnàn kidji-gimòdiyang, kidji-gìwashkwebìng, ashidj kidji-àbadjitong madji-mashkikì.

Kije-Manidò ozhingenindàn nitàgewin, ashidj kaye ikwe kà-ishkwàyenimàdj obebensiman chibwà-mashi nìginidj, ashidj dash ogo ininiwag kà-wìpemàwàdj ininiwan maya igodj ikwe eji-wìpendjigàniwidj. Kàwin kida-nandawenimigosìnàn kidji-zazàgizing, ma-gaye kidji-mìgàdiyang.

Kàwin màmakàdj kiga-manàdjiyàsìnànig manidòkàdjiganag ashidj kàwin màmakàdj kiga-manidokesìmin.

Apìch tagoshinòmagak kà-gichi-gwenàdjiwang kitigàn, kàwin kada-dagwasinòn abinàs ondje pemàdizidjig ke-madji-ijiwebizidjig.

Tòdan wenishishing. Matthew 7:12

Kidji-minwenindamiyang Kije-Manidò màmakàdj ke-gwagwedjitòng kidji-gikinawàbamang.

Wàbandahiwen sàgìhidiwin ondje kodagag màmawe ìye mino-ayàwin ashidj kijewàdiziwin.

Kwayakwàdizin.

Shawenindjigen ashidj pònenindjigen.

Wìndamaw kodagag inakàg Jehovah ashidj ejiwebizidj. ​—Isaiah 43:10.