Бӱдӱмјилӱ ле чын јетирӱ

Лука 1:3

АМАДУЗЫ Угаачыларга чын тӱп-шӱӱлтелер эдерге болужатан бӱдӱмјилӱ јетирӱ тузалан.

МЫНЫ КАНАЙЫП ЭДЕР

• Бӱдӱмјилӱ јетирӱ тузалан. Агару Бичикке тайанып куучында, арга бар болзо, оныҥ бойынаҥ кычыр. Кере эдип кандый бир учурал, наукалык јетирӱ эмезе СМИ-ниҥ солундарын ла оноҥ до ӧскӧ јетирӱлер тузаланып турган болзоҥ, ол јетирӱ бӱдӱмјилӱ ле эскирип калбаган болзын.

• Јетирӱни ӧскӧртпӧ. Библиялык ӱлгерлерди јартаганыҥ контекстке, Агару Бичиктиҥ тӧс темазына ла «бӱдӱмјилӱ ле керсӱ кулдыҥ» бичиктери аайынча болзын (Матф. 24:45) Библиялык эмес јетирӱлерди тузаланзаҥ, автордыҥ шӱӱлтезин ӧскӧртпӧ.

• Угаачыларла шӱӱжип тур. Библиялык ӱлгер кычырзаҥ эмезе кандый бир ӧскӧ јетирӱ тузаланзаҥ, угаачылар тӱп-шӱӱлтени бойлоры этсин деп, олорго болужып бер. Мыны эдерге, черчеҥ сурактар бер эмезе јарагадый тем куучында.