Ӱредип турган улустыҥ јӱректерин канайып томултар
1. Иисустыҥ сӧстӧри Оны угуп турган улустыҥ јӱректерин канайып томулткан?
1 Иисус Христостыҥ айткан сӧстӧри угаачыларыныҥ јӱректерин томулткан. Агару Бичикте Иисус Бичимелди јартап берген кийнинеҥ, Оныҥ ӱренчиктериниҥ јӱректери «кӱйген» деп учурал бичилет (Лука 24:32). Кудайга сӧс уккур болоры јӱректеҥ болор учурлу, оныҥ учун бис ӱредип турган улузыстыҥ јӱректерин томултар керек. Ол тушта олор јӱрӱмин солыырга кӱӱнзедилер (Рим. 6:17).
2. Черчеҥ ле ӧткӱн болоры кижиниҥ јӱрегин томултарга канайып болужат?
2 Черчеҥ ле ӧткӱн бол. Кижиге јӱк ле јакшыны ла јаманды айдып бергени солунталар эдерге кӱӱнзетпес болор. Анайда ок кижини кудай јаҥыныҥ кӧрӱмдери јастыра деп библиялык ӱлгерлерле кӧмӱп салза, ол чек укпас болор. Кижиге болужардаҥ озо, ол кандый бир немеге нениҥ учун бӱдӱп турган ла кандый бир керектерди недеҥ улам эдип турган деп, оҥдоп алар керек. Кижиниҥ кӧрӱм-шӱӱлтезин билерг е черчеҥ ле јакшы сананып алган сурактар оны тереҥ санааларын чыгара айдарга кӱӱнзедер (Укаа 20:5). Јӱк ле мыныҥ кийнинеҥ јӱректи томултар ӱлгерлерди Кудайдыҥ Сӧзинеҥ талдап аларыс. Анайдарда кижиге јилбиркеп, чыдамкай болор керек (Укаа 25:15). Ундыба: кажы ла кижиниҥ ич-кӧгӱс ӧзӱми башка. Иегованыҥ агару тыны олордыҥ санааларына ла керектерине салтарын јетирип баштазын деп, ӧй керек (Мар. 4:26—29).
3. Ӱредип турган улузыска јакшы кылык-јаҥды ӧскӱрерге канайып болужар?
3 Олорго јакшы кылык-јаҥ ӧскӱрерге болуш. Иегованыҥ сӱӱжин ле јалакайын аҥылап турган библиялык ӱлгерлер, ӱредип турган улузыска јакшы кылык-јаҥ ӧскӱрерге болужар. Иегова кажы ла кижиге јилбиркеп кӧрӧт деп кӧргӱзерге Сарын 139:1—4 ле Лука 12:6, 7 тузаланарга јараар. Кижи Иегованыҥ иштеп болбос јалакайын сезип ийзе, Кудайга сӱӱжи ле бастыра бойы берингени тыҥыыр (Рим. 5:6—8; 1 Иоан. 4:19). Анайда ок бистиҥ керектерисле Иегова јилбиркеп турган деп билип ийзе, ол Кудайды сӱӱндирерге ле бойыныҥ кылык-јаҥыла Оны мактаарга албаданар болор (Сар. 78:40, 41; Укаа 23:15).
4. Бис улусты ӱредип тура, олордыҥ јайым талдаар кӱӱнин тооп турганысты канайып кӧргӱзер аргалу?
4 Иегова бойыныҥ јакылталарын бӱдӱрзин деп, кемди де албадабай јат. Карын, Ол сӧс уккур болоры нениҥ учун ойгор деп јартап јат (Иса. 48:17, 18). Улусты ӱредип тура, тӱп-шӱӱлтелерди олор бойлоры этсин деп јай берип турзас, Иегова Кудайга тӱҥейлежедис. Кижи јӱрӱминде солынталар эдер керек деп, бойы оҥдоп алза, чындыктыҥ јолына бек туруп алар (Рим. 12:2). Ого ӱзеери, ол јӱректерди шиҥдеп турган Иеговала оноҥ јуук колбуларлу болуп калар (Укаа 17:3).