Кудайдыҥ Сӧзи јӱрӱмиҥе салтарын јетирип турзын деп, јай бередиҥ бе?

Агару Бичикти кӱнӱҥ сайын кычырары «тазылданып... бӱдеринде тыҥыдыныгар» деген кычырула јӱрерге болужат (Кол. 2:6, 7). Је Иегованыҥ Сӧзи јӱрӱмиске салтарын јетирзин деп, биске ондогы сӧстӧрди тереҥ сананып, берилген башкару јетирӱлерди тузаланар керек (Евр. 4:12; Иак. 1:22—25). Иисус Навин 1:8 кычырыш тӱжӱмдӱ болзын деп болужып турган ӱч алтам айдылат: 1) Кудайдыҥ Сӧзин «тӱни-тӱжи» кычырары. 2) Агару Бичикте бичилген учуралдарды тереҥ сананып турарга, меҥдебей «јарым ӱнле» кычырары. 3) «Ондо бичилгенин ончозын бӱдӱрерге» албаданары. Бис бу јӧптӧрлӧ јӱрзес, јакшы једимдерге једип, «ойгор јӱрерис».