Иегованыҥ Керечилери ӧскӧ кудай јаҥдарды канайып кӧрӧт?
Кижи кандый да кудайга бӱдӱп турган болзо, бис Кудайдыҥ «ончо улусты тооп јӱригер» деген јӧби аайынча јӱредис (1 Петр 2:17). Темдектезе, кезик ороондордо јӱс муҥдар Иегованыҥ Керечилери бар. Андый да болзо, бис ӧскӧ кудай јаҥдарды кыстаарга эмезе ижин токтодорго, политиктерге эмезе јасак чыгараачыларга баштанбайдыс. Анайда ок улус бистиҥ нравственный ла кудай јаҥга кӧрӱмисти алынзын деп јасак чыгарылзын деп кампаниялар этпейдис. Оныҥ ордына ӧскӧ улуска тоомјылу баштанадыс — улус биске канайып баштанзын деп турганыс, бойыс та олорго анай ла баштанадыс (Матфей 7:12).