Иегованыҥ Керечилери неге бӱдет?

«Сен канайып шӱӱп турганыҥды биске сенеҥ уксабыс јакшы болор эди, нениҥ учун дезе бу ӱредӱ керегинде кайда ла сӧс блаашкылап турганын билерис» (Деяниелер 28:22). Бу Римдеги биригӱниҥ башкараачылары баштапкы јӱсјылдыкта јакшы тем кӧргӱскендер. Олор кезик јетирӱни јаҥыс ла тууразында критиктердеҥ эмес, је ижемјилӱ јердеҥ угарга кӱӱнзеген.

Анайда ок Иегованыҥ Керечилерине удура, бӱгӱн кӧп учуралдарда улустар јаман айдынгылайт, је олор керегинде чындыкты коомой сананып турган јердеҥ билерге сакыганы, јастыра болор эди. Оныҥ учун бис Слерге бойыстыҥ кезик тӧс бӱдӱмјилеристи јартап берерге сӱӱнедис.

Библия, Иисус Христос ло Кудай

Бис «Бастыра Бичимел Кудайдыҥ болужыла бичилген ле тузалу» деп бӱдедис (2 Тимофейге 3:16). Кезиктери бисти чын христиандар эмес деп айдып та турган болзо, ол чын эмес. Апостол Петрдыҥ Иисус Христос керегинде керелеп турганына бис кожуладыс: «Не дезе, теҥериниҥ алдында бис аргадангадый, кижилерге берилген ӧскӧ ат јок» (Деяниелер 4:12).

Ол «Кудайдыҥ Уулы» ла «Мени тирӱ Адам ийген» деп Иисустыҥ айтканы ла, Иегованыҥ Керечилери Кудай Иисустаҥ јаан деп бӱткилейт (Иоаннаҥ 10:36; 6:57). «Мениҥ Адам Менеҥ јаан» деп, Иисус Бойыныҥ сӧстӧриле оны керелеген (Иоаннаҥ 14:28; 8:28). Оныҥ учун, ӱчбирлик керегинде ӱредӱде Иисус Бойыныҥ Адазына теҥ деп, айдылганына бис бӱтпей јадыс. Ого удура, Оны Кудай јайаган ла, Ол Оны тооп турган деп бис бӱдедис (Колоссяндарга 1:15; 1 Коринфяндарга 11:3).

Алтай тилде Кудайдыҥ ады — Иегова. Исход 6:3-те мынайда айдылат: «Авраамга, Исаакка ла Иаковко „Кайракан Кудай“ деп адымла келгем; је бойымныҥ: „Кайракан“ [Иегова, кӧчӱрӱ] адым ла олорго ачылбадым». Бу сӧстӧргӧ келиштире Иисус Оныҥ јолыла ээчий барып јаткан улусты мӱргӱӱрине ӱредип: «Теҥериде бистиҥ Адабыс бар! Сениҥ адыҥ Агару болзын» деп анчадала Кудайдыҥ адыныҥ јаан учурлузын кӧргӱскен. Ол бойы Кудайга «Сен Меге берген кижилериҥе, Сениҥ адыҥды Мен ачып бердим» деп мӱргӱген (Матфейдеҥ 6:9; Иоаннаҥ 17:6).

Иегованыҥ Керечилери Иисус чылап, Кудайдыҥ адын ла Оныҥ амадуларын ӧскӧ улуска јарлаар учурлу деп, ајаруга алат. Анайдарда бис Иегованыҥ Керечилери деп ат алындыс, нениҥ учун дезе бис «чындык керечилдеҥ», Иисустаҥ тем аладыс (Откровение 1:5; 3:14). Исаия 43:10 айдылганы ла, Кудай айалгазына келиштирип албатызына мынайда айткан: «Мениҥ керечилерим, деп Кайракан айдат [Иегова, Јаҥы Телекейдиҥ Агару Бичимелдериниҥ Кӧчӱрижи (англ.)], слер Мениҥ талдап алган кулым».

Кудайдыҥ Каандыгы

Иисус Бойыныҥ ээчий јолы ла барып јаткан улустарды «Сениҥ Каандыгыҥ келзин» — деп, мӱргӱӱрине ӱредип, Ол Каандыкты Бойыныҥ ӱредӱзинде эҥ учурлу ӱредӱ эткен (Матфейдеҥ 6:10; Луканаҥ 4:43). Каандык — ол теҥеридеги чындык башкару. Иегованыҥ Керечилери Иисус Христос оныҥ темдектеп салган кӧскӧ кӧрӱнбес, јерле башкаратан Кааны болуп јат деп бӱткилейт. «Оныҥ бийлегени јарындарында» — деп, Библия айдат. «Оныҥ бийленерине ле амыр-энчӱзине учы-тӱби јок» (Исаия 9:6, 7).

Је Иисус Христос Кудайдыҥ башкарузында сок јаҥыс каан болбос. Теҥериде Оныла кожо кӧп башкараачылар болор. «Турумкай болзос, Оныла кожо башкарарыс» — деп, апостол Павел бичиген (2 Тимофейге 2:12). Теҥериде Христосло кожо башкарар, «јердеҥ актап алган» тиргизилген улустыҥ тоозы «јӱс тӧртӧн тӧрт муҥ» болор деп Библия кӧргӱзет (Откровение 14:1, 3)

Кажы ла башкаруда бойыныҥ албатызы болор учурлузы јарт. Иегованыҥ Керечилери, теҥеридеги башкараачылардаҥ да башка, ӧскӧ дӧ миллиард албатылар ӱргӱлји јӱрӱм алар деп иженгилейт. Адакы учында, јер јаранып, сӱрекей јараш јер болуп кубулган ӧйдӧ, Христостыҥ башкартузына ла Оныҥ башкараачыларына сӧс уккур Кудайдыҥ Каандыгыныҥ албатылары ла јер толо берер. Анайдарда, јер качан да јоголбос, «Чындык улус јерди энчиркенип, чактыҥ-чакка ондо јадар» — деп библиялык сӧстӧргӧ Иегованыҥ Керечилери бек бӱдӱмјилӱ (Псалом 36:29; 103:5).

Је Кудайдыҥ Каандыгы канайып келер? Бастыра улус бойыныҥ кӱӱнинеҥ улам Кудайдыҥ башкарузына уккур боло береринеҥ бе? Бого удура, Каандыктыҥ келгени, Кудай улустыҥ керектериндӧн кӧндӱрезинеҥ кирижер деп, Библия јартын кӧргӱзет: «Теҥериниҥ Кудайы чактыҥ-чакка бузылбас Каандык тургузар, ол Каандык... бастыра каандыктарды јок эдер ле јемирип салар, а бойы ӱргӱлјиге турар» (Даниил 2:44).

Кудайдыҥ Каандыгы качан келер? Иегованыҥ Керечилери эмди бӱдӱп турган Библияныҥ судурларына тӧзӧлӧнип, оны удабас ла келер деп бӱткилеп јат. Бис бу судурлардыҥ озолондыра айдылган калју-казыр ӧйдиҥ «калганчы кӱндериниҥ» аҥылу темдектерин јууктада кӧрӧрине Слерди кычырып турубыс. Олор Матфейдеҥ 24:3—14; Луканаҥ 21:7—13, 25—31 ле 2 Тимофейге 3:1—5 деген бичиктерде бичилген.

Бистер, «бастыра јӱрегисле, бастыра јула-тынысла, бастыра санаабысла, бастыра кӱчисле Иегова Кудайысты сӱӱйдис, бистиҥ јуук улузысты бойысты сӱӱгендий чилеп сӱӱп турганыс» учун, бисти угы-тӧзи де, чырай-кебери де, албаты-јон ортодо јер де бӧлӱбей јат (Марктаҥ 12:30, 31). Бис бастыра албатылардыҥ ортозында јадып турган христиан карындаштарыс ортобыста сӱӱжис ле ээлбеде јарлу (Иоаннаҥ 13:35; 1 Иоанныҥ 3:10—12). Оныҥ учун бис бу албатылардыҥ политикалык керектерине киришпести чеберлейдис. Иисус алдындагы ӱренчиктери керегинде: «Олор эл-јонноҥ эмес, канайып Мен эл-јонноҥ эмезим» деп айтканына, олордоҥ бис тем аларга албаданадыс (Иоаннаҥ 17:16, АМК). Бис санаанзас бойын эл-јонноҥ башка тудунары дегени, ол тӧгӱндеш, уурданыш, кей јӱрӱм, ӧбӧгӧни ле эмегени ортодо чындык јогы, эки эр кижи кожо коноры, канла каршу тузаланары, чалуларга бажыраары ла оноҥ до ӧскӧ Библия јаратпай турган бӱгӱн элбеп таркаган балыр јӱрӱмнеҥ кыйары (1 Коринфяндарга 6:9—11; Ефесяндарга 5:3—5; Деяниелер 5:28, 29).

Келетен ӧйгӧ ижемји

Иегованыҥ Керечилери, бу бистиҥ эмдиги јӱрӱмистеҥ нени сакыыры, бу ончо эмес деп бӱдет. Иегова Христосты јерге ийип, Оны Бойыныҥ јӱрӱмдик канын тӧгӱп, бойыныҥ јӱрӱмиле улустарды Кудайдыҥ алдында чындык јер алып ла, јаҥы келер не-немениҥ ӧйинде ӱргӱлјик јӱрӱмди алар аргазы болзын деп, актап алганына бис бӱдедис. Иисустыҥ апостолдорыныҥ бирӱзи: «Эмди [бис]... Оныҥ Каныла актандыс» деп айтты (Римляндарга 5:9; Матфейдеҥ 20:28). Иегованыҥ Керечилери Кудайга ла Оныҥ Уулына, бу келер ӧйдӧги јӱрӱм болгодый деп, бойыныҥ јӱрӱмин актаары учун бергенине, тереҥ алкышту.

Иегованыҥ Керечилери, Кудайдыҥ Каандыгы тужында ӧлгӧн улустар тирилерине тӧзӧлӧнип, келер ӧйдӧги јӱрӱмге алаҥзу јогынаҥ бӱткилейт. Бис Библияныҥ ӱредӱзине тӧзӧлӧнип, качан кижи ӧлӱп калза, оныҥ јӱрӱми чынынча токтоп, «ол кӱнде оныҥ бастыра санаа-шӱӱлтези јоголот» дегенине бӱдедис (Псалом 145:3, 4; Иезекииль 18:4; Екклесиаст 9:5). Эйе, келер јӱрӱм ӧлгӧн улустарга, олордыҥ тирилер кӱнинде Кудайдыҥ эске алынганына, тӧзӧлӧнӧт (Иоаннаҥ 5:28, 29).

Качан Кудайдыҥ Каандыгы эмдиги бар башкарууларды ончозын јоголтсо, эмдиги јӱрген кӧп улус тирӱге артар деп, Иегованыҥ Кереечилери бӱткилейт. Ной ло оныҥ билези канайып бастыра телекейлик чайыктаҥ аргаданган, анайып ла олор аруталган јердиҥ ӱстинде ӱргӱлјик јӱрӱмге јилбиркеп, јакшызынып, оноҥ ары јӱрер (Матфейдеҥ 24:36—39; 2 Петрдыҥ 3:5—7, 13). Је тирӱ артары Иегованыҥ некелтелерин бис бӱдӱрип турганыстаҥ камаанду деп, бис бӱдедис. «Эл-јон ӧдӧт... а Кудайдыҥ кӱӱн-табын бӱдӱргени чактыҥ-чакка артар» деп Библияда айдылат (1 Иоанныҥ 2:17; Псалом 36:11; Откровение 7:9, 13—15; 21:1—5).

Иегованыҥ Керечилериниҥ бастыра ӱредӱ јаҥын мында јарт шӱӱжип кӧрӧр арга јок, је бис Слерди оноҥ ары јетирӱлерди бойорго билип аларга кычырадыс.

Ӧскӧртӧ кӧргӱзилбеген болзо, бастыра библиялык ӱлгерлер Библияныҥ Синодал кӧчӱрижинеҥ алынган. Цитатаныҥ кийнинде ЈТ деп кыскарту болзо, ол ӱлгер англиялык тилге кӧчӱрилип чыгарган «Агару Бичикте Јаҥы Телекейдиҥ кӧчӱрижинеҥ» болор.

[4 бӱк, кийдирӱ]

Бис Иегованыҥ Керечилери деп ат алындыс, нениҥ учун дезе Иисустаҥ тем аладыс.