Билелик бажырыш ол не?

Билелер кожо ӧй ӧткӱрип, ич-кӧгӱс јанынаҥ ӧзӱп, билениҥ курчуларын тыҥыдып турзын деп, Иегова јаантайын кӱӱнзеген (Јаҥды такыганы 6:6, 7). Мындый амадула Иегованыҥ Керечилери ич-кӧгӱс темаларды јартажарга кажы ла неделеде билелик быжырышты ӧткӱрерге ӧй табып јат. Олор материалды билениҥ керексиништерине јараар эдип келиштирерге албадангылайт. Слер јаҥыскан јадып турган болзор, бу ӧйдӧ Кудайла кожо болзогор јакшы. Анайда ок Агару Бичикти ӱренерге, слерге эптӱ программала тузаланарга јараар.

Иегова Кудайга јууктаар ӧй. Агару Бичикте «Кудайга јууктагар, Ол слерге јууктаар» деп айдылган (Иаковтыҥ самаразы 4:8). Иегова Кудайдыҥ Сӧзи биске Оныҥ башка-башка јандарын ла Оныҥ санаазын тереҥжиде оҥдоп аларга болужат. Билелик бажырышты ончозы кожо Агару Бичикти ӱнденип кычырарынаҥ баштаарга јараар. Темдектезе, «Јӱрӱмис ле ижибис» деген туштажуныҥ кажы ла неделеге берилген графигиле кычырарга јараар. Кычырар бажалыктарды бӧлӱктерге бӧлӱп, билениҥ ка-жы ла кижизине ӱлеп беригер. Кычырганыныҥ кийнинде кажы ла кижи бойына кандый јакшы туза алганын шӱӱжип кӧрӱгер.

Билени бириктирер ӧй. Агару Бичикти кожо ӱренгени эме⁠ен-ӧбӧӧнди, анайда ок балдарды ада-энезиле јуукташтырып јат. Мынайып ӱренери билениҥ ончозына кӱӱнзеп сакыган сӱӱнчилӱ эҥир болор учурлу. Ада-энелерге баланыҥ јажына јараар материал талдап алар керек. Темдектезе, Агару Бичикке тӧзӧлӧнгӧн брошюралардагы јӧрмӧлдӧрдиҥ болужыла сургалда болуп турган кӱчтерди балдарла јартажарга јараар. Бистиҥ организацияныҥ ресурстарынаҥ кӧрӱлмелер кӧрӱп, шӱӱжип ийигер. Келер туштажуда болор кожоҥдорды кожоҥдоорго белетеп алыгар. Билелик бажырыштыҥ кийнинеҥ амтанду курсак белетеп алыгар эмезе ойындар ойногор.

Кажы ла неделеде Иеговага кожо бажырарына ӧй таап турза, билениҥ ончозы Иегова Кудайдыҥ Сӧзин сӱӱп баштаар. Иегова слердиҥ албаданып турганарга алкыжын берер деп алаҥзыбагар (Сарын 1:1—3).

• Бис билелик бажырышка нениҥ учун ӧй табадыс?

• Ада-энелер билелик бажырышты билениҥ ончозына јилбилӱ болзын деп, нени эдер аргалу?