Божоп калган улус ойто јӱрер бе?

АГАРУ БИЧИК НЕНИ АЙДАТ

«Актулар да, акту эместер де [божоп калган улус] тирилер» (Апостолдордыҥ ижи 24:15, Јаҥы Кереес. Агару Бичик).

БУ СЛЕРГЕ КАНДЫЙ ТУЗА БЕРЕР АРГАЛУ

Јуук улузыгарды јылыйтсар, токунал берет (2 Коринфтегилерге 1:3, 4)

Ӧлӱмнеҥ тыҥ коркыырынаҥ јайымдайт (Еврейлерге 2:15).

Јӱрегиске јуук божоп калган улузысла ойто туштажатан чын ижемји берет (Иоанн 5:28, 29).

АГАРУ БИЧИКТИҤ АЙДЫП ТУРГАНЫНА БӰДЕРГЕ ЈАРААР БА?

Эйе, бого бӱдериниҥ кезик шылтактары:

• Кудай ончо тирӱ немеге јӱрӱм берген. Кудай «ончозына јӱрӱм, тыныш ла бастыразын сыйлап јат» деп, Агару Бичик айдат (Апостолдордыҥ ижи 17:24, 25; Сарын 36:9). Ончоны јайаган Јайаачы божоп калгандарды алаҥзу јогынаҥ јӱрӱмге бурултар аргалу.

• Озогы ӧйлӧрдӧ Кудай ӧлгӧндӧрди тиргизкен. Агару Бичикте бичилгениле, јердиҥ ӱстинде сегис кижи тирилген. Олордыҥ тоозында јаан јаштулар ла јииттер, эр ле ӱй улус болгон. Олордыҥ кӧп сабазыныҥ ӧлгӧни удабаган болгон, је бирӱзиниҥ ӧлгӧни тӧрт кӱнге једе берген! (Иоанн 11:39—44).

• Кудай ӧлгӧндӧрди такып тиргизерге кӱӱнзейт. Иегова Кудай ӧлӱмди кӧрӧр кӱӱни јок; Ол оны ӧштӱ деп кӧрӧт (1 Коринфтегилерге 15:26). Кудайда бу ӧштӱни — ӧлӱмди — јоголтып, оны тирилтиш ажыра јеҥип алатан бек амадузы бар. Кудай Бойыныҥ санаазына кичееп алгандардыҥ ончозын акту јӱрегинеҥ кӧрӧр кӱӱндӱ. Ол олорды јердеги јӱрӱмге тиргизер (Иов 14:14, 15).