12 УРОК

Куучыныҥ јылу ла јымжак болзын

1 Фес. 2:7, 8

АМАДУЗЫ Акту јӱректеҥ куучындап, угаачыларды баалап турганыҥды кӧргӱс.

Угаачылар керегинде санан. Белетенип тура, улус кандый уур-кӱчтерге туштап турганын ајаруга ал. Олордыҥ сезимдерин оҥдоп аларга албадан.
Сӧстӧрди јазап талда. Кижини токунадып, кӱӱнин кӧдӱрерге албадан. Кемди-кемди ачындырып ийгедий сӧстӧр тузаланба. Ӧскӧ кудай јаҥ керегинде эмезе улустыҥ акту јӱректеҥ бӱткени керегинде јаман айтпа.
Угаачыларды баалап турганыҥды кӧргӱс. Олорго јалакай болгоныҥ ӱниҥнеҥ ле бойыҥды канайып тудунганыҥнаҥ кӧрӱнзин. Чырайыҥ керегинде база ундыба, кӧптӧдӧ кӱлӱмзиренип тур.

Бойыҥды јайым тудун, је ажа конбо. Кычырып јаткан болзоҥ, сезимдериҥди бичилгенине келиштирип тур, је бойыҥа кереги јок ајару этпе. Ӱниҥ јымжак угулзын деп, ӱндӱ табыштарды чӧйӧргӧ албадан.