Интернет-ресурсты јарлаар иште тузаланадыс. «Стань другом Иеговы»

Интернет-ресурста «Библейские учения» деген бӧлӱкте балдарга јазалган «Стань другом Иеговы» деп вкладка бар, оноҥ кожоҥдор, кӧрӱлмелер ле јакылталар таап аларга јараар. Сен јарлаар иште бу вкладкала тузалангаҥ ба? Агару Бичикти ӱренип турган кижи балдарлу болзо, оны ого кӧргӱзип бер. Анайып ол кижи бистиҥ сайттагы ӧскӧ дӧ материалдарла таныжып аларга кӱӱнзеер болор.

Бир ака № 38 таҥмалу «Каандык керегинде Јар» деген буклетти таркадып тура, оны бир ӱй кижиге берген, ол оны тургуза ла кычырган. Ол ӱй кижиде огош балдар бар болгон, олорды бу буклет јилбиркеткен. Ака бу буклетти кыскарта шӱӱжип ийеле, буклеттиҥ кийни јанында кӧргӱзилген сайттыҥ сурузына ајару этти. Бу ӱй кижи јилбиркей берерде, ака мобильный эдимниҥ болужыла оныҥ балдарына Коля керегинде кӧрӱлмелердиҥ бирӱзин кӧргӱзип ийген.

Бир эје кожо иштеп турган балдарлу ӱй кижиге бистиҥ сайт керегинде ле ондо билеге тузалу материалдар бар болгонын куучындаган. Ол ӱй кижи балдарыла сайтка кирген. Кийнинде ол бистиҥ эјеге, оныҥ балдары тураныҥ ичиле баскылап «Стань другом Иеговы» деп вкладканаҥ «Сӧсти јарла» деген кожоҥды кожоҥдогылаган деп айткан.

Интернет-ресурста бу вкладкала таныжып ал, оноҥ бойыҥныҥ мобильный эдимиҥге кӧрӱлмени, кожоҥды ла јакылтаны таштап ал. Анайып бис јарлаар иште бу вкладкадагы материалла тузаланар аргалу. Мындый баалу эдим биске Кайраканга кулдар чылап иштеерге болужын јетирер (Апос. иж 20:19).