Кӧнӱ (прямое) кычырту
1. Курултайга кычырар кампания качан башталар?
1 Сен тӧрӧӧн-тугаандарыҥа эмезе најыларыҥа, ийде-кӱч чыгар, кӧп чыгым болор аҥылу кӱндӱге аш-курсак белетеп турганыҥды сананып ийзеҥ. Сен олорды айлыҥа сӱӱнип кычырарыҥ деп алаҥзу јок. Је ич-кӧгӱстиҥ јыргалына, болотон курултайга белетенерине анайып ла јаан иш ӧткӱрилген деп айдарга јараар. Курултайдаҥ озо ӱч неделениҥ туркунына, улусты ого келзин деп кычырарыс. Бу биске Иегованаҥ јаан кӱндӱ болот. Кычыртуны кӧдӱриҥилӱ таркадарга биске не болужар?
2. Кампанияга толо кемине туружарга бисти не кӱӱнзедер?
2 Кампанияга толо кемине туружарга, Иегова берип турган кӱӱн кӧдӱрер таскадулар биске кандый туза экелип турганы керегинде быйанду болуп шӱӱп сананар керек (Иса. 65:13, 14). Анайда ок кажы ла јыл болуп турган кампанияныҥ экелип турган једимдери керегинде ундыбас керек. («Кампанияныҥ једимдери» деген рамканы кӧр.) Курултайга кычырылган кезик улус кыйалта јогынаҥ келгилер. Је мынайып келер улус ас та болзо, кампанияга бистиҥ јӱткӱп турушканыс Иегованы макка кӧдӱрер, Ол кысканбас ла јалакай Кудай деп кӧргӱзер. (Сар. 145:3, 7; Ачылт. 22:17).
3. Бис кычыртуны канайып таркадарыс?
3 Кампанияныҥ ӧйинде јарлаар јерди бӱдӱнге канайып ӧдӧр арга бар, айылда јок болгон улуска кычыртуны артыгызары керектӱ бе, кычыртуларды јуунныҥ јерине кирип турган улусту јерлерде таркадарга јарар ба деп, аксагалдардыҥ јӧптӧри шӱӱжип кӧргӱлер. Амыраар кӱндерде, качан эптӱ болзо, кычыртула кожо айдыҥ брошюраларын берерге јараар. Кампания божогон кийнинде, Иегова белетеген ич-кӧгӱс јыргалга кӧп улус келзе, бис ого јӱткӱп турушканысты сананарга јакшы болор.