Јарлаар иштиҥ темигӱлерин тыҥыдадыс. Ӱренип турган кижиге белетенерге болуш

БУ НЕНИҤ УЧУН КЕРЕКТӰ. Ӱренип турган кижи белетенип турза, ого материалды оҥдоорго ло сананып аларга јеҥил болот. Канча ла кире ол оҥдоп, сананып алып турза, ол ончо ло кире кӧгӱс јанынаҥ тӱрген ӧзӧр. Мындый темигӱ ого чӧҥӱрилген де кийнинде керек болор, нениҥ учун дезе кӧгӱс јанынаҥ ойгу болорго, ого јуундарга ла јарлаар ишке белетенип турар керек болор (Мф 25:13). Анайып, шиҥдеп билери ле јаантайын ӱренетен графиктӱ болоры — бастыра јӱрӱмине кӧгӱс јанынаҥ јакшы су-кадыкту болотон арга. Оныҥ учун бажынаҥ ла ала кижиде ӱредӱге белетенип турар јаҥжыгу болзын деп, болужар керек.

МЫНЫ КАНАЙЫП ЭДЕР:

• 

  Јакшы тем бол (Рм 2:21). Ӱренип турган кижиниҥ керексинижин ајаруга алып, кажы ла ӱредӱге белетенип тур (km 11/15 3). Бойыҥныҥ белетеп алган јартамалдарлу планыҥды кӧргӱс.

• 

  Оны белетенерге кӱӱнзет. Белетениш — ол Агару Бичикти ӱренериниҥ бӧлӱги деп јартап, мындый белетеништиҥ тузазы керегинде куучындап бер. Бош ӧй чек јок јӱрӱмде ӧйди канайып табар деп, тузалангадый јӧптӧр бер. Кезик јарчылар бичиктеринде карууларды тартып, јартамалдар кожып салза, теманы оҥдоорго бир канча јеҥил болуп турганын ӱренип турган кижиге кӧргӱзип берет. Ӱренип турган кижини белетенгени учун макта.

• Канайып белетенерин кӧргӱс. Кезик јарчылар мыны ӱредӱлердиҥ баштапкыларында ла эдет.