Пасха Кайраканныҥ Эҥирин сӱрлеп темдектебеген де болзо, бу эки байрамныҥ тӱҥей болгон кезик немелерин ајаруга алары јолду. Темдектезе, элчи Павел Иисусты «пасха курааныбыс» деп адаган (1Кр 5:7). Эжиктиҥ јаагына Пасха Кураанныҥ уймаган каны чылап, Иисустыҥ каны улустыҥ јӱрӱмин аргадайт (Чг 12:12, 13). Анайда ок пасха кураанныҥ сӧӧктӧрин сындырарга јарабас болгон. Баштапкы чакта кыйнап ӧлтӱрип јаткан улустыҥ буттарын сый соготон јаҥ болгон до болзо, Иисустыҥ сӧӧктӧри бӱдӱн арткан (Чг 12:46; Ин 19:31—33, 36).