Ол керегинде јаантайын сананыгар

Не керегинде шӱӱп-сананар? Филиппыдагыларга 4:8-те јӧп берилет: «Нези чын, нези ак-чек, нези чындык, нези ару, нези улуска јарап турган, нези баалу, нези мактаарга ла тоорго јарамыкту — ол керегинде сананыгар». Бу сӧстӧр христиандарга јӱк ле кӧгӱс јанынаҥ сананар керек деп темдектебей јат. Је бистиҥ санааларыс Иеговага јараар учурлу. Иеговага чындык артарга албаданып турганыска бистиҥ санааларыс буудак болбозын (Ср 19:14).

Јастыра санаалардаҥ айрыларга биске тыҥ албаданар керек. Бойыстыҥ кинчектӱ эт-канысла тартыжарынаҥ ӧскӧ, биске «бу чактыҥ „кудайына“», Сатанага, удурлажар керек (2Кр 4:4). Бу телекей Сатананыҥ колында. Оныҥ учун оныҥ јаман салтары телеберилтелерде, радиодо, интернетте ле кепке базылган бичиктерде кӧрӱнет. Санаабысты неле толтырып турганыска ајарыҥкай болбозоос, бу кӧрӱм-санаабыска јаман салтарын јетирип, керектеристеҥ кӧрӱне берер (Иак 1:14, 15).

«ЧЫНДЫГЫСТЫ БУЗЫП ТУРГАН ОНЧО НЕМЕДЕҤ КОРУЛАНЫГАР. ЈАСТЫРА СООТ-ЈЫРГАЛДАР» ДЕГЕН КӦРӰЛМЕНИ КӦРӰП, БУ СУРАКТАРГА КАРУУ БЕР:

• 

  Ака телефонынаҥ нени кӧргӧн лӧ бу ого кандый салтарын јетирген?

• 

  Галаттарга 6:7, 8 ле Сарын 119:37 ӱлгерлер ого канайып болушкан?