Сен Кайраканныҥ Эҥирин байрамдаарга белен бе?

Калганчы Пасханы байрамдаары Иисуска аҥылу учурал болгон. Ол удабай ла божоп каларын билген. Оныҥ учун апостолдорыла кожо калганчы катап Пасханы байрамдап ийеле, кажы ла јыл ӧткӱрилетен Кайраканныҥ Эҥири деген јаҥы байрамды кийдирерге кӱӱнзеген. Оныҥ учун ол Петр ла Иоаннга байрамды ӧткӱретен кыпты белетеп салзын деп јакыган (Лк 22:7—13; 1-кы бӱктеги јурукты кӧр). Тулаан айдыҥ 27-чи кӱнинде Кайраканныҥ Эҥирин байрамдаарга бис база белен болорго кӱӱнзейдис. Куучын-эрмек айдатан кижини кызыл аракыны, калашты ла оноҥ до ӧскӧ керектӱ немелерди белен болзын деп, аксагалдар башкарып салар болор. Бу Эҥирге бистер канайып белетенип аларыс?

Јӱрегиҥди белетеп ал. Кайраканныҥ Эҥирине белетелген библиялык ӱзӱктерди кычырып, ол ӧйди јазап санааҥга эске алып ий. Кычыратан графикти «Агару Бичиктиҥ бӱгӱнги ӱлгери» деген брошюрадаҥ таап аларга јараар. Анайда ок «Слово Бога в картах и схемах» деген брошюрада чокумдап салган график бар (16-чы раздел, 1-кы ла 2-чи бӧлӱктер). (2020 јылдыҥ кандык айдыҥ «Јӱрӱмис ле ижибис» деген иштиҥ тетрадин база кӧр.) Толынтыны оноҥ тыҥ баалаарга, билелик бажырышта «Индекс публикаций Сторожевой башни» эмезе «Путеводитель по публикациям Свидетелей Иеговы» деген бичиктерле тузаланза јакшы.

Улусты кычыр. Улус кычыратан кампанияда эрчимдӱ туруш. Кычырарга турган улузыҥ керегинде сананып ий. Темдектезе, Агару Бичик керегинде куучындашкаҥ, кемле де ӱренгеҥ, таныштарыҥ ла тӧрӧӧндӧриҥ керегинде. Аксагалдар дезе, јарлабай барган ака-эјелерди кычырар керек. Та кем де сенеҥ ыраак јадып турган болзо, ол јерде байрам кайда ла качан болорын jw.org деген сайттаҥ таап аларга јараар. Мыны эдерге, бӱктиҥ ӱстинде «БИСТЕР КЕРЕГИНДЕ» деген вкладкада «Кайраканныҥ Эҥири» деген бӧлӱкти талдап алар керек.

Сен база канайып белетенип алар аргалу?