Сен интернетте кемле најылажып тургаҥ?

Најылык — ол, улус бой-бойына ӱренижип, бой-бойын тооп јӱрери дегени. Темдектезе, Давид Голиафты јеҥген кийнинеҥ, Ионафанла экӱ јуук најылар болуп калган (1См 18:1). Кажызында ла најызына јарап турган кылык-јаҥ болгон. Кижини јакшы билип турза, најылык тыҥып јат. Је оны тыҥыдарга ӧй лӧ албаданып турары керек. Је социальный сетьтерде бир ле катап сабарла јапазып ийеле, «најылажып» аларга јараар. Интернетте канайып куучындажарын, бойын кандый кижи деп кӧргӱзерге белетенип алатан арга бар болордо, чынынча кандый кижи болгонын јажырарга јеҥил. Оныҥ учун интернет ажыра најыларды канайып талдаарыҥ деп, ээжилер тургузып алзаҥ јакшы болор. Улустыҥ кӱӱнин соотпоско болуп, олордыҥ сенле најылажарга турганына јок деп айдарга коркыба. Кезиктери боло бергедий јеткерлерди ајаруга алып, соцсетьтерге чек кирбес деп шӱӱп алгандар. Је сен соцсетьтерле тузаланып турган болзоҥ, нени ундыбас керек?

«СОЦСЕТЬТЕРЛЕ ОЙГОР ТУЗАЛАНЫГАР!» ДЕГЕН ВИДЕОНЫ КӦРӰП, КАРУУ БЕР:

• 

  Сетьтерге фотолор салып, та нени де бичиирдеҥ озо нени ајаруга алар керек?

• 

  Интернетте најылар бедиреп тура, нениҥ учун ајарыҥкай болор керек?

• 

  Нениҥ учун соцсетьтерле тузаланарга турзаҥ, ӧй тургузып турар керек? (Эф 5:15, 16).