Јӱрӱмде болгон учурал

Бастыра улусты килеер керек

Бир катап Јаҥы Зеландияда јадып турган эје «Заботьтесь друг о друге» деген видеоны кӧргӧн. Ол видеоло болзо, Иегова улусты јӱк ле килеп турган эмес, је килемјизинеҥ улам улуска болужарга кӱӱнзейт (Иса. 63:7—9). Бу эје билип алганын тузаланарга, кемге-кемге болужар деп шӱӱп алган. Удабай ол ло кӱнде магазин барып јадала, айылы јок ӱй кижиге туштап, ого «курсак алып берейин» — деп айткан. Ол ӱй кижи јӧпсинген. Эје курсак алып береле, ол ӱй кижиге удабас јӱрӱм јакшы јанындӧӧн солынар деп айдып, «Кыйын-шыра јоголор бо?» деп буклетти кӧргӱсти.

Ол ӱй кижи ыйлай берген. Оноҥ ол Иегованыҥ Керечилериниҥ билезинде чыдаган ла кӧп јылдар кайра чындыкты артыргызып салган деп куучындап берген. Бу ла јуукта, ол Иеговага ойто кайра јууктаарга болушсын деп мӱргӱген. Эје бу ӱй кижиге Агару Бичик берип, кожо ӱренер деп куучындажып алганa.

Бис улусты, ол тоодо тӧрӧӧн-туугандарысты ла јуундагы ака-эјелеристи, Иегова чылап килеер аргалу. Анайда ок килемји улусты Иеговала таныштыратан аргалар бедиреерге кӱӱнзедер.