Экономикалык кӱчтер — Кудайдыҥ Каандыгы нени эдер?

Бӱгӱнги кӱнде бастыра јердиҥ ӱстинде улуска акча иштеп аларга там ла кӱч болуп барат.

• Кӧп ороондордо эдилген шиҥжӱниҥ отчёдыла болзоa, акчаныҥ баазы коркышту тыҥ тӱжӱп јат. Мынаҥ улам улустыҥ иштеп алган акчазы чек немеге јетпей турган. Бу отчёттыҥ айтканыла болзо, јаҥдар нени де этпезе, јокту улус оноҥ тыҥ јоксыраар.

Јаҥдар бу экономикалык кризистиҥ аайына чыгып болор бо эмезе оны бир эмеш те болзо, јеҥилтип болор бо?

Библияныҥ айтканыла болзо, экономикалык кӱчтердиҥ аайына чыгатан башкару эмезе правительство бар. «Теҥеридеги Кудай... каандык тургузар» ол эмезе правительство тургузар (Даниил 2:44). Бастыра јердиҥ ӱстиле бу башкару башкарза, ӱзе улустыҥ јадыны јакшы болор, кем де ајару јок артпас (Сарын 9:18). Кудайдыҥ Каандыгы јерле башкарза, улус ырысту јӱрӱм јӱрер. Кажы ла кижи эткен ижинеҥ јаан сӱӱнчи алар (Исайя 65:21, 22).