Армагеддон Израильде јуу-согуштаҥ башталар ба? Агару Бичик нени айдат?

Агару Бичикле болзо, Армагеддон — канча да ороонныҥ ортозында болотон јуу-согуш эмес, је бастыра телекейдиҥ ӱстинде болотон улустыҥ башкаруларыныҥ ла Кудайдыҥ ортозында јуу-согуш.

• «Бу — ...шилемирдиҥ јелбистери [«Бу сӧстӧр јелбистердеҥ», ЈТ]. Олор бастыра телекейдиҥ каандарына, олорды кӱчтӱдеҥ кӱчтӱ Кудайдыҥ улу кӱнинде јуу-согушка јуурга, барып јадылар. Олор каандарды еврейлеп Армагеддон деп јерге јууп алгандар» (Ачылта 16:14, 16).

«Армагеддон» деп сӧс «Хар-Магедон» деп еврей сӧстӧҥ бӱткен, ол «Мегиддо кырды» темдектейт. Мегиддо — јебрен Израильде турган кала. Оныҥ учун кезик улус Армагеддон Израильде болор деп бӱдет. Је Мегиддоныҥ јанында јерлерге де, Ближний Востоктыҥ да јерлерине «бастыра телекейдиҥ каандары» бадыжып болбос.

Ачылта деп бичик символдорло бичилген (Ачылта 1:1, ЈТ). Армагеддон база символ, ол картада кандый бир јер эмес. Айдарда, Армагеддон — ол бастыра телекейде болотон айалга, качан ончо албатылар јуулыжып, Кудайга удура јуу-согушла чыгар (Ачылта 19:11—16, 19—21).