Јаҥысканзыраштыҥ эпидемиязы. Слерге не болужар?

• «США-ныҥ јаан улузыныҥ јарымы кирези јаҥысканзыраш деп немеге табарткан. Анчада ла 18—25 јашту јииттер тыҥ јаҥысканзырайт» («Наша эпидемия одиночества и изоляции: рекомендации главного хирурга США по лечебному эффекту социальных связей и сообщества», 2023 јыл).

• «Всемирный организация здравоохранения (ВОЗ) бу суракла иштейтен Комиссия тӧзӧгӧн деп јар эдет. Бу комиссия улустыҥ су-кадыгына јаҥысканзыраш кандый каршу јетирип турганын шиҥдеер. Ол анайда ок улусты бой-бойыла куучындажып, најылашсын деп кӱӱнзедер. Бу комиссияга јаҥысканзыраштыҥ аайына чыгатан эп-аргалар табар керек. Мындый иш бастыра ороондордо, јокту да ороондордо, эдилер» (ВОЗ-тыҥ пресс-релизы, кӱчӱрген ай 15, 2023 јыл).

Агару Бичик јаҥысканзырабаска болужатан јӧптӧр берет.

Агару Бичик нени айдат?

Улустаҥ башкаланып, јаҥыскан болбогор. Темдектезе, социальный сетьтерге узак отурбагар. Оныҥ ордына улусла кӧрӱжип, куучындажып туругар, анайда ок најылар табыгар.

• Агару Бичиктеги принцип: «Чын најы сӱӱжин јаантайын кӧргӱзет, ол кыйын-шыраныҥ ӧйине чыккан акадый» (Укаа сӧстӧр 17:17).

Улуска болужатан аргалар бедирегер. Улуска болужып турзаар, најылараарга да оноҥ јуук болуп калараар, кӱӱн-санаагар да кӧдӱрилер.

• Агару Бичиктеги принцип: «Алып турганы эмес, берип турганы оноҥ артык ырысту» (Апостолдордыҥ ижи 20:35, ЈТ).

Бу керегинде кӧптӧдӧ билип аларга, бистиҥ сайтка киригер, анда Агару Бичик јакшы најыларды канайып табарын кӧргӱзет.