Кемге бӱдерге јараар? Агару Бичикте бу керегинде не айдылат?

Тӧгӱндебес ле ак-чек болотон улус сӧзине турбай турза, улус чӧкӧп калат. Албаты бӱтпей барган:

• политиктерге, олор тегин улустыҥ јадын-јӱрӱми керегинде сананардыҥ ордына, јӱк бойлорыныҥ амадуларына јединерин сананат;

• СМИ-ге, не дезе, СМИ јетирӱлердиҥ аайына јетире чыкпай јадып, тӧгӱн солундар чыгарат;

• учёныйларга, олордыҥ эткен иштери, чынынча болзо, тегин улуска тузазын јетирбей јат;

• кудай јаҥдардыҥ башчыларына, олор улуска Кудайга јууктаарга болужардыҥ ордына, политикага кирижет.

Ойгор кижи ӱзе ле немеге бӱтпей јат. Агару Бичик база ајарыҥкай болзын деп айдат:

• «Улуска бӱдерге меҥдебегер, башкараачыларга иженбегер, не дезе, олор сени аргадап болбос» (Сарын 146:3, «Современный перевод» деп кӧчӱрме).

Кемге бӱдерге јараар?

Агару Бичик бисти чыннаҥ ла кемге бӱдерге јараар деп ӱредет. Бу Иисус Христос болот. Ол качан да јерде јӱрген јӱк ле јакшы кижи эмес. Кудай Иисусты Каан эдип тургузып, сӧзин берген: «Ол ӱргӱлјиге... башкарар, оныҥ башкарузы јажын-чакка болор» (Лука 1:32, 33). Иисустыҥ башкарып турган башкарузы Кудайдыҥ Каандыгы деп адалат, ол эмди ле теҥеринеҥ башкарып јат (Матфей 6:10).

• Иисус Христоско нениҥ учун бӱдерге јараар деп «Кто возглавит Царство Бога?» ла «Что принесёт правление Царства Бога?» деген јӧрмӧлдӧрдӧҥ билип алыгар.