«Ходите верой, а не тем, что видите»

Иерусалимди римниҥ черӱзи курчап, јоголтордоҥ озо, элчи Павел, христиандар — Христостыҥ ат-нерелӱ јуучылдары — кӱчтерге белетенип, јӱрӱмде эптӱ јадарга албаданбас керек деп, бичиген (2 Тим. 2:3, 4). Бистиҥ кӧрӱмис ич-кӧгӱске уланзын деп, бек бӱдерин чеберлеп алар керек, нениҥ учун дезе бу калју телекей удабас јоголтылар (2 Кор. 4:18; 5:7). «Ходите верой, а не тем, что видите» деген фильмды кӧрӱп тура, канайып Нахамды ла Авиталаны акча-манатка тартылганы ӧлӱмге экелгенине ајару эт. Оноҥ берилген сурактарга каруу беригер.

1) Баштапкы чакта «агару јерде турган» «быјар» нени темдектейт, Иерусалимде јаткан христиандарга кандый јалтанбас керектер эдер керек болгон? (Матф. 24:15, 16). 2) Каланаҥ качарга, нениҥ учун бӱдери керек болгон? 3) Кандый тайылгалар эдер керек болгон? 4) Нениҥ учун Нахам ла Авитала ӧйди чӧйгилеген? (Матф. 24:17, 18). 5) Рахиль Иерусалимнеҥ качып јада, кандый уур кӱчке табарткан? (Матф. 10:34—37; Мар. 10:29, 30). 6) Ефан Иеговага бӱдериниҥ ле иженериниҥ кандый јакшы темин кӧргӱскен? 7) Пелладагы христиандар кандый уур кӱчтерге туштаган? 8) Нахам ла Авиталаныҥ бӱдери канайып арайынаҥ уйадап калган? 9) Пелладагы христиандарды Иегова канайып кичеген? (Матф. 6:33; 1 Тим. 6:6—8). 10) Калганчы кӱндерде јадып, бис Авраам ла Саррага канайып тӱҥейлежер аргалу? (Евр. 11:8—10). 11) Нахам ла Авитала бойлорын Иерусалимдӧӧн кайра буруларга канайып бӱдӱмјилеген, бу нениҥ учун јастыра санаа-шӱӱлте болгон? (Лука 21:21). 12) Нахам ла Авитала јанып келерде, Иерусалимде кандый айалга болгон? 13) Бу телекейдиҥ учы келгелекте, биске нениҥ учун бӱдеристи эмди ле тыҥыдар керек? (Лука 17:31, 32; 21:34—36).

Бӱдериле јӱрери: 1) Иегованыҥ башкартузына бӱдерин, 2) кандый ла айалгада Оныҥ башкартузыла јӱрӱп турганын, 3) ич-кӧгӱсти акча-манаттаҥ артык баалап турганысты кӧргӱзерин темдектейт. «Телекей де ӧдӱп јат, оныҥ кычазы база, Кудайдыҥ табын бӱдӱрип турганы — ӱргӱлјиге јӱрет» деп бир де алаҥзыбай, оноҥ ло ары бӱдерисле јӱрерге бек сананып алактар (1 Иоан. 2:17).