Пионерлер деп кемдерди адайдыбыс?

Јарлалбаган јерлерге барып, јаҥы јолдор ачып турган улусты кӧп сабада пионерлер деп, адап јат. Иисус база пионер болгон, нениҥ учун дезе Ол улуска болужарга ла олорго аргаданыштыҥ јолын ачарга јерге келген (Матфей 20:28). Оныҥ темиле јӱрӱп, Иегованыҥ Керечилери ӱренчиктер белетеер ишке бойыныҥ кӧп ӧйин бергилейт (Матфей 28:19, 20). Јарчылардыҥ кезигине пионердиҥ ижине туружатан арга болот.

Пионер — ол ӧйин толо берип иштеп турган јарчы. Иегованыҥ Керечилериниҥ ончозы сӱӱнчилӱ јарды јарлаар ишке канча кире аргазы бар, ончо ло кире турушкылайт. Је олордыҥ кезиги јарлаар ишке 70 сааттаҥ туружарга јӱрӱмин јеҥилтип јат. Андый ишчилер пионерлер деп адалат. Пионердиҥ ижин бӱдӱрерге олор кере тӱжине иштебейтен ишке иштегилейт. Кемге де, јарчылар једишпей турган јерлерде специальный пионер болуп иштеерге арга берилет. Мындый ишчилер кажы ла айда 130 эмезе оноҥ до кӧп саат иштегилейт. Пионерлер не барыла болорзынып јӱрет. Иегова олорды артыргыспас, јӱрӱмге керектӱ бастыра немени берер деп, бӱдӱп јат (Матфей 6:31—33; 1 Тимофейге 6:6—8). Ӧйин толо берип иштеер аргазы јок јарчылар бир айга 30 эмезе 50 саат јарлап, подсобный пионер болуп иштеер аргалу.

Ӧйин толо берип иштенерге пионерди Кудайга ла улуска сӱӱш кӱӱнзедет. Бис бӱгӱнги кӱнде кӧп саба улустыҥ ич-кӧгӱзи шыралгалу айалгада деп, Иисус чилеп кӧрӱп јадыс (Марк 6:34). Је бис андый улуска келер ӧй керегинде бек ижемјибисти куучындаар аргалу. Пионерлерди, бойыныҥ ӧйин ле кӱчин кысканбай улуска ич-кӧгӱс јанынаҥ болужарга, јуугын сӱӱгени кӱӱнзедет (Матфей 22:39; 1 Фессалоникадагыларга 2:8). Мындый иште пионерлер бойыныҥ бӱдӱп турганын тыҥыдат, Иегова Кудайла колбулары тыҥыйт ла јаан сӱӱнчи алгылайт (Апостолдордыҥ ижи 20:35).

• Пионерлер деп кемдерди адайдыбыс?

• Ӧйин толо берип иштеерге кезик јарчыларды не кӱӱнзедет?