Сен сууга чӧҥӱрилетен јолдыҥ кажы тужында
ХРИСТИАН ЈӰРӰМ
Иеговага иштеер јолды талдап ал
Сен сууга чӧҥӱрилбеген јарчы эмезе эм тура Агару Бичикти ӱренип турган болорыҥ. Сенде сууга чӧҥӱрилер амаду бар ба? Мындый амадуны бойыҥа нениҥ учун тургузар керек? Учурланары ла сууга чӧҥӱрилери — бу Иеговала аҥылу колбуларлу болорыныҥ башталганы болот (Ср 91:1). Анайда ок бу алтам аргаданышка экелет (1Пт 3:21). Учурланарына ла сууга чӧҥӱрилерине канайып белетенер?
Сен чындыкты таап алгаҥ деп бӱдӱмјиленип ал. Сенде сурактар чыгып турза, шиҥжӱ ӧткӱрерине јалкуурба (Рм 12:2). Јӱрӱмиҥде сеге нени солыыр керек деп оҥдоп алала, алтамдар эт. Анаҥ ла ары сенде Иегованы сӱӱндирер кӱӱн болзын деп албадан (Ук 27:11; Еф 4:23, 24). Јаантайын ого мӱргӱп, болуш сура. Иегова сеге ийде-кӱч берер ле бойыныҥ јаан ийделӱ агару тыныла болужар деп алаҥзыба (1Пт 5:10, 11). Ончо сениҥ албаданганыҥ кайралдалар. Иеговага иштеери јӱрӱмниҥ эҥ артык јолы болуп јат! (Ср 16:11).
«ПУТЬ К КРЕЩЕНИЮ» ДЕП ВИДЕОНЫ КӦРӰП, БУ СУРАКТАРГА КАРУУ БЕР:
Сууга чӧҥӱрилерге кезик ака-эјелерге кандый кӱчтерди ӧдӧргӧ келишкен?
Јӱрӱмиҥди Иеговага учурлаарга кӱӱнзеткедий бӱдӱмјини канайып тыҥыдар?
Кезик ака-эјелерди сууга чӧҥӱрилетен алтамдар эдерге не кӱӱнзеткен?
Иеговага иштеерге амадап алган ака-эјелердиҥ јӱрӱми канайып солынган?
Бойын Иеговага учурлаары ла сууга чӧҥӱрилери нени темдектейт?