Агару Бичикти кычыратан графиктер

Агару Бичикте эҥ ойгор башкартулар берилген. Слер оны кычырып турзаар, кычырганаарды шӱӱп-сананып, јӱрӱмеерде тузаланып турзаар, «јол[оор] једимдӱ болор» (Иисус Навин 1:8; Сарын 1:1—3). Анайда ок слер Кудайды ла оныҥ Уулын, Иисус Христосты, билип алараар, а бу билгирлер аргаданар арга берет (Иоанн 17:3).

Агару Бичикти кандый бичигинеҥ кычырып баштаза јакшы болор? Кӧп варианттар бар. Агару Бичикти кычырар бу график Агару Бичиктиҥ бичиктерин ээчий-деечий эмезе темаларла кычырарга болужар. Темдектезе, Кудай јебрен Израиль албатыга канай болушканы керегинде бичилген ӱзӱктерди кычырарга јараар. Эмезе баштапкы чактыҥ христиан јууны канай тӧзӧлип, ӧзӱм алынганы бичилген ӱзӱктерди кычырарга јараар. Берилген ӱзӱктерди кажы ла кӱн кычырзаар, Агару Бичикти бир јылга кычырып салараар.

Слер Агару Бичикти кычыратан эптӱ график бедиреп турган болзоор, темдектезе кажы ла кӱнге, јылга эмезе јаҥы ла баштап турган улуска, бу график слерге болужар. Агару Бичикти кычыратан графикти чыгарып, кӱӱнеер бар болзо, печатать эдип алала, бӱгӱннеҥ ала баштагар.