47 УРОК
Слер чӧҥӱрилерге белен бе?
Агару Бичикти ӱренип тура, слер Иегова керегинде кӧпти билип алганаар. Билип алганаарды јӱрӱмеерде тузаланган да болороор. Је андый да болзо, слер јӱрӱмеерди Иеговага учурлап, сууга чӧҥӱрилетен алтамды эдип болбой турган болороор. Оныҥ учун бу уроктоҥ кижиге сууга чӧҥӱрилерге кӧп сабада не буудактап турган ла бу буудактарды канайып ӧдӧрин шӱӱжерис.
1. Сууга чӧҥӱрилердеҥ озо нени билер керек?
Сууга чӧҥӱрилердеҥ озо чындыкты чике билип алар керек (1 Тимофейге 2:4). Бу дезе, слер кажы ла библиялык сурактыҥ каруузын билер учурлу дегени эмес. Керек дезе, кӧп јылдар кайра сууга чӧҥӱрилген христиандар оноҥ ло ары билгирлер аларга албадангылайт (Колоссыдагыларга 1:9, 10). Је слерге Агару Бичиктиҥ тӧс ӱредӱлерин јакшы оҥдоп турар керек. Јуунныҥ аксагалдары слер Агару Бичиктиҥ ӱредӱлерин канча кире јакшы оҥдоп турганаарды билип аларга, слерле кожо куучындажып ийер.
2. Сууга чӧҥӱрилерге нени эдер керек?
Чӧҥӱрилердеҥ озо эки јаан учурлу алтам эдер керек. Агару Бичикте айдылат: «Кинчектереерди алыныгар ла солыныгар». (Апостолдордыҥ ижи 3:19 кычырыгар.) Айдарда, слерге ӧткӧн ӧйдӧ эткен кинчектереерди алынып, Иегованаҥ јаманыгарды таштазын деп сураар керек. Анайда ок Иегованыҥ бийик нормаларыла јӱрӱп, Кудайдыҥ кӧзинде кинчек болуп турган керектерди этпеске бек шӱӱп алар керек. Бого ло коштой јуунныҥ туштажуларына јӱрӱп, ака-эјелерле јарлаар иште туружыгар.
3. Нениҥ учун сууга чӧҥӱрилеринеҥ коркыбас керек?
Кезик улус Кудайга берген сӧзин бӱдӱрип болбос деп коркып јат. Је чын, кезикте слер јастырар болороор. Керек дезе, Агару Бичикте айдылган Кудайдыҥ чындык ишчилери, эр де, ӱй де улузы, јастыргандар. Је Иегова бойыныҥ ишчилеринеҥ толо кемдӱ болорын сакыбай јат (Сарын 103:13, 14). Слерде канча кире аргагар бар, ончоны эдип турган болзоор, Иегова сӱӱнип јат! Ол слерге кыйалта јогынаҥ болужар. Иеговага слерди сӱӱрге не де чаптыгын јетирип болбос деп, ол слерди алаҥзыбазын деп кӱӱнзейт. (Римдегилерге 8:38, 39 кычырыгар.)
ТЕРЕҤЖИДЕ КӦРӰГЕР
Иегова керегинде билгирлер ле оныҥ болужы слерге чӧҥӱрилерге чаптыгын јетирип турган буудактарды ӧдӧргӧ канайып болужарын кӧрӱп ийектер.
4. Иегованы јакшы билип алыгар
Сууга чӧҥӱрилердеҥ озо Иегованы канча киреге јакшы билип алар керек? Иегованы сӱӱрге ле оны сӱӱндиретен керектер эдерге кӱӱн боло берер керек. ВИДЕОНЫ кӧрӱп, башка-башка ороондордыҥ улузы сууга чӧҥӱрилерге канайып белетенгенин билип алыгар. Оноҥ суракты шӱӱжип ийигер.
Бу улуска чӧҥӱрилерге не болушкан?
Римдегилерге 12:2 кычырып, сурактарды шӱӱжип ийигер:
Слерде кандый бир библиялык ӱредӱ аайынча эмезе Иегованыҥ Керечилери чындыкка ӱредип турган деп алаҥзу бар ба?
Эйе болзо, алаҥзыбаска нени эдер керек?
5. Чӧҥӱрилерге слерге не де буудак болбозын!
Јӱрӱмисти Иеговага учурлаарга ла чӧҥӱрилерге турзаас, бистиҥ кажыбыс ла кӱчтерге табартат. Бир ӱй кижиниҥ темин кӧрӱп ийектер. ВИДЕОНЫ кӧрӱп, сурактарды шӱӱжип ийигер.
Бу ӱй кижиге чӧҥӱрилерге не буудактаган?
Иеговага сӱӱжи ого ончо кӱчтерди ӧдӧргӧ канайып болушкан?
Укаа сӧстӧр 29:25 ле 2 Тимофейге 1:7 кычырып, суракты шӱӱжип ийигер:
Биске јалтанбас болорго ло коркыбаска не болужар?
6. Иегова слерге болужар деп алаҥзыбагар
Иегова слерге оныҥ нормаларыла јӱрерге болужар. ВИДЕОНЫ кӧрӱп, сурактарды шӱӱжип ийигер.
Бу эр кижи чӧҥӱрилерге нениҥ учун алаҥзыган?
Иеговага иженерге ӱренип аларга ого не болушкан?
Исайя 41:10, 13 кычырып, суракты шӱӱжип ийигер:
Иеговага учурланган тужыгарда беретен сӧзӧӧрди бӱдӱрип ийереер деп, слер нениҥ учун алаҥзыбай јадаар?
7. Иегованыҥ сӱӱжин баалагар
Иегова слерди тыҥ сӱӱп турган деп канча ла кире кӧп сананып турзаар, ончо ло кире ого быйанду болороор ло јажын-чакка ого иштейтен кӱӱнигер там тыҥыыр. Сарын 40:5 кычырып, суракты шӱӱжип ийигер:
Слер Иеговага анчада ла не учун быйанду?
Судурчы Иеремия Иегованы ла оныҥ Сӧзин сӱӱген. Ол Иегованыҥ адын аданып јӱрер арганы сӱреен тыҥ баалаган. Иеремия айткан: «Сениҥ сӧзиҥ мениҥ јӱрегимди сӱӱндирген, нениҥ учун дезе мен черӱлердиҥ Кудайыныҥ, Иегованыҥ, адыла адангам» (Иеремия 15:16). Сурактарды шӱӱжип ийигер:
Иегованыҥ Керечизи болоры — бу нениҥ учун јаан кӱндӱ?
Слер сууга чӧҥӱрилип, Иегованыҥ Керечизи болорго кӱӱнзейдеер бе?
Бу алтамды эдерге, слерге буудактап турган неме бар ба?
Канайып сананадаар, бу амадуга јединерге слерге база нени эдер керек?
КЕЗИК УЛУС АЙДАТ: «Сууга чӧҥӱрилери — бу јаан молју. Кӱчим јетпес деп коркып јадым».
Слерде мындый сезимдер болот по?
ТӦС ШӰӰЛТЕЗИ
Иегова слерге чӧҥӱрилерге чаптык болуп турган кандый ла буудактарды ӧдӧргӧ болужар.
Нени билип алдыгар?
Сууга чӧҥӱрилерге Агару Бичикти канча киреге јакшы билер керек?
Сууга чӧҥӱрилерге нени эдер керек?
Бу алтамды эдерге нениҥ учун коркыбас керек?
ШИҤДЕЙТЕН МАТЕРИАЛ
Сууга чӧҥӱрилерге слерди не кӱӱнзедер учурлу деп билип алыгар.
«Слер чӧҥӱрилерге белен бе?» («Каруулчы шибее», 2020 јыл, тулаан ай)
Чӧҥӱрилерге турган кижиде кандый буудактар болордоҥ айабас, олорды канайып ӧдӱп чыгар?
«Сууга чӧҥӱрилерге мени не буудактап јат?» («Каруулчы шибее», 2019 јыл, тулаан ай)
Бир эр кижиге сууга чӧҥӱрилерге буудактап турган уур-кӱчтерди ӧдӧргӧ не болушканын билип алыгар.
Озо баштап Ата сууга чӧҥӱрилерге кӱӱнзебеген. Је ол тӱҥей ле бу јаан алтамды эдерге нениҥ учун шӱӱп алган?