Билип алганаар санаагарда артып калзын деп, јураныгар

Бистиҥ ончобыста мындый неме болгон болор: бу ла јуукта ӱренген немени јаан удабай ла ундып саладыс. Је Иисустыҥ ӱредӱлери ундылбай јат. Нениҥ учун? Нениҥ учун дезе оныҥ темдери кижиниҥ санаазында јараш јуруктар чылап јуралат. Бис те анайып ла эдер аргалу. Ӱренип јаткан неме санаабыста јакшы артып калзын деп турган болзоос, оны јураарга јараар.

Кижи јаҥы та нени де шиҥдеп турала, бу ла ок ӧйдӧ оны јурап турган болзо, материал бажында јакшы артып калат. Јураганы кижиге јӱк ле сӧстӧрди эмес, је тӧс шӱӱлтени оҥдоорго болужат. Сӱреен јараш, кижини кайкаткадый јурук јураары керек јок, је јурук тегин, јарт ла болзо једер. Бу эп-арга јажы јаанап калган улуска јакшы јараар.

Келер тушта ӱренип јатсаар, билип алганаарды јурап кӧрӱгер. Оноҥ санаагарга кандый кӧп неме артып калганына кайкарыгар!