Lembrieko
23 Kinde m’ibedo piny pi nicamu karacelo kud ubimo,
Bed ku weng’i lee i kum gin ma n’i weng’i;
2 Keth pala i ng’uti*
Tekene dhogi mit lee.*
3 Kud iketh cwinyi i kum cam pare ma mit,
Kum gitie cam mir awondi.
4 Kud isendiri nisayu lonyo.
Weki man nyuth nyang’ i lembe.*
5 Kinde m’ibolo weng’i i kume, embe keca,
Kum andhandha vombe bitwii calu vomb acur man ebituk i kor polo.
Ebeyero iri kumae: “Cam man madhi,” ento iye ubeyero lembe mange.*
8 Ibing’ogo cam m’icamu
E nwang’u isendiri mananu ku foyofoc.
9 Kud iwec i ith jakasegu,
Kum ebicayu rieko ma n’i lembe m’iyero.
10 Kud icor lanyuth ma con mi kieu
Kadi kud imond i podho pa nyathikic.*
11 Kum Jacer bang’gi* tie tek;
Ebicero bang’gi iri.
12 Keth adundeni i kum twiny
Man ithi i kum wec mi ng’eyong’ec.
13 Kud icer twiny ni jalawobi.*
Kan igoye kud uluth ebitho ngo.
15 Woda, tekene adundeni doko riek,
E an de anyong’a binego adundena.
16 Anyong’a binega* dwanya
Kinde ma dend dhogi biyero lembe m’atira.
17 Kumira kud uneg adundeni i kum judubo,
Ento lwor Yehova dieceng’ duu,
18 Kum kumeno re m’anyim peri bibedo ma ber
Man genogen peri bikabere ngo.
19 Woda, winji man dok riek,
Man tel wi adundeni i yo m’atira.
20 Kud ibed i kind ju ma gimadhu pigulok lee
I kind jumboo mi ring’o,
21 Kum weg mero ku weg abamba gibidoko jucan,
Man rip rip biketho ng’atini bikendo asamba bongu.
22 Winj wuru m’unyoli,
Man kud icay meru kende kende pilembe nia etii.
23 Ng’iew* lemandha man kud ilwore ki,
Tim bende kumeno ku rieko, twiny man nyang’ i lembe.
24 Andhandha won ng’atu ma pwe bibedo kud anyong’a;
Ng’atu m’unyolo wod ma riek, anyong’a binege i kume.
25 Anyong’a binego wuru giku meru,
Man mutoro binego meru m’unyoli.
26 Woda, mii adundeni ira,
Man anyong’a neg weng’i i kum yo para.
27 Kum dhaku ma won asara en e vur ma thuc,
Man dhaku ma wang’e tar* en e vuj pii ma iye diny.
28 Epondo pi nikuro calu won ayeki;
Emedo wend jumaco ma gigwoko ngo bedoleng’ migi.
29 Ng’a ma bedo ku cani? Ng’a ma bedo kud adieng’a?
Ng’a ma dhawi? Ng’a ma wagere?
Ng’a ma nwang’u ret ma thelembene mbe? Ng’a ma wang’e kwoti?*
30 Tie ju ma gigalu hai iwi pigulok;
Ju ma giyenyo* pigulok ma jujebo.
31 Kud inen rangi ma kwar mi pigulok
Kinde m’ebethukini i kikombe* man ebeloro nyalwe i dwandjo,
32 Kum i ajikine, etong’o calu thwol,
Man eng’ulo kwir calu urobi.
33 Weng’i bineno piny ma tung’,
Man adundeni biweco lembe ma rac.
34 Ibibedo calu ng’atu m’uvuto i die nam,
Calu ng’atu m’uvuto iwi um meli.
35 Ibiwacu kumae: “Jugoya, re anyang’ ungo.*
Jufwoda, re ang’eyo ngo.
Abicew awene?
Ubekwayu amadh giramadha mange.”*