Zaburi
Miktam* pa Daudi.
16 Gwoka, E Mungu, kum apondo i beng’i.
2 Ayero ni Yehova kumae: “In i Yehova, kaka ma bero para beai i iye.
3 Ju ma leng’ m’i ng’om,
Ju m’uromo ku yung ginyayu anyong’a lee i iya.”
4 Ju ma gilubo tok mungu mange gimedo can migi ameda.
Abikonjo ngo girathiera migi mi rimo,
Kadi dend dhoga de bilwong’o nying’gi ngo.
5 Yehova en e makapiny para, ng’ete ma jumiyo ira, man kikombe* para.
Igwoko giralaga para.
6 Jupimo kaka ma beco ira.
Eyo, anyong’a nega i kum giralaga para.
7 Abipaku Yehova m’umiyo ira juk.
Kadok diewor, pidoic para m’upondo* twinya.
8 Aketho Yehova i wang’a saa ceke.
Calu m’e n’i yor i cinga mir acwic, abiyengara ngo nyanok de.
9 Pieno, mutoro ubenego adundena, an zoo* anyong’a ubenega.
Man abedo* museme.
Ibiyiyo ngo ng’atu ma leng’ peri unen vur.*
11 Iketho ang’eyo yo mi kwo.