Lembrieko
27 Kud iyungiri pir urwo,
Kum ing’eyo ngo gin ma ceng’ acel copo kelo.*
3 Kidi tie pek man kwiyo de tie pek
Ento ng’eicwiny ma jakasegu nyayu tie pek nisagu gin ario ceke.
4 Ng’eicwiny nyayu peko man kwinyo kelo nyoth ve pii ma pong’o ng’om,
Ento ng’a ma copo cungo i wang’ nyeko?
5 Juk ma ngbeng’ tie ber nisagu mer m’upondo.
6 Ret ma jarimo nyayu nyutho nia etie dhanu mandha,
Ento cwiyolimb pa jadegi gi dupa.*
7 Ng’atu* m’uyeng’ kwero* miyokic m’ubeton kud i pedone,
Ento ng’atu ma kec ubenego* kadok gin ma kec de bedo mit ire.
8 Calu winyo ma weko ode bor,*
Ng’atu m’uweko pacu pare de tie kumeno.
9 Mo man udok ma ng’wice ng’ar nyayu anyong’a i adunde;
Mer ma ber ma caku nikum juk mandha* de tie kumeno.
10 Kud iwenj jarimbi kadi jarimb wuru,
Man kud imond i ot p’umeru i nindo m’ibenweng’iri ku can;
Jadhugola ma ceng’ini tie ber ma sagu umego ma ni bor.
11 Bed riek woda, man nyay anyong’a i adundena,
Kara adwok lembe ni ng’atu m’ubecaya.
12 Ng’atu ma tie ku riekowang’ neno ariti man epondo,
Ento ng’atu m’ung’eyo lembe akeca ngo medere ku woth man enwang’u matokene.*
13 Gam bongu pa ng’atini tek ewodhere pi niculo banja pa jawirok;
14 Tek ng’atu moko ubepoko mugisa iwi wadi ku dwande ma tek pir kugweno,
Jubikwane ire ni alam.
15 Dhaku ma jatiti* tie calu ot ma cwir m’umbe nijik i nindo pa koth.
16 Ng’atu ma romo cere, nwang’u eromo cero bende yamu
Man ecopo maku mo i cing’e mir acwic.
17 Calu cuma paku cuma
Dhanu de paku wang’ jarimbe kumeno.
18 Ng’atu m’ubegwoko yend ulam bicamu nyinge,
Man ng’atu m’ubegwoko jadit pare binwang’u yung.
19 Calu ma pii nyutho kite ma wang’ ng’atini tie ko,
Kumeno bende adunde ng’atini nyutho adunde ng’atu mange.
20 Liel man kaka mi nyoth* giyeng’ ungo nyanok de,
Kadi wang’ dhanu de yeng’ ungo nyanok de.
21 Calu agulu mi lilo piny tie pi mola ma tar man uka tie pi mola ma kwar,
Kumeno bende jung’eyo ng’atini nikum yung m’enwang’u.*
22 Kadok nwang’u iod jakasegu kud alega pany
Calu nying cam ma juodo i pany de,
Kasegu pare biweke ngo.
23 Icikiri ning’eyo cuu hali mi dwol peri.
Gwok* rombe peri cuu,
24 Kum lonyo bedo ngo rondo ku rondo,
Kadi jamker mi wic de ni dhanu m’utuk ceke.
25 Lum ma numu rwinyo, ma nyen dok twii,
Man jucoko dhu uboko m’i wi gudi.
26 Nyithi nyogi rombe miyo iri kendi,
Man nyogi diegi miyo iri sente m’ing’iewo ko podho.
27 Man cag diegi bibedo lee pi nitungi,
Pi nitungo juruot peri, man pi nitungo jutic peri ma nyir.