Wacopo mio dwokowang’ penji ma cuu i coko nenedi?

Dwokowang’ penji ma cuu giero cokiri. (Rum 14:19) Ekonyo bende ng’atu m’ubemio dwokowang’ penjine. (Rie 15:23, 28) Pieno, wacikara nitimo kero nimio dwokowang’ penji moko acel kokoro kubang’ coko. I andha, etie ngo nia ka wating’o cingwa ci, jubinyuthowa. Pieno, etie ber niyiko dwokowang’ penji dupa dupa.

Dwokowang’ penji ma cuu . . .

• utie yot, ma junyang’ i ie wang’ acel, man ma nyaradundo. Wang’ mapol, jumie ekadhu ngo segond 30

• utie dwokowang’ penji m’imio ku wec peri giri

• utie ngo nidok kendo iwi lembe ma judaru yero

Ka jular junyuthi mi kwong’o, . . .

• mii dwokowang’ penji ma yot man ma tap m’umbe niroyo paru mange

Ka jumange udaru nidwoko wang’ penji, icopo . . .

• nikoro kite ma giragora ma jumio ucwaku ko lembe ma jubeweco i wie

• ninyutho kite ma lembe ma jubeweco i wie umulo ko kwo mwa

• nikoro kite ma juromo nitio ko ku lembe ma jubeponjone

• nikoro i adundo lembe moko m’ing’eyo, m’ubecwaku paru ma jubeweco i wie