Saka 9 Fedengan
Wa Hacowa Mala Lakoing ko Sera?
O padepades miwacayay, aairato ko Hongti Kitakit no Kawas. Luka 21:10, 11; 2 Timoti 3:1-5
Paliˈayaway pasowal ko Fangcalay Cudad to mafekaday a adihayay demak anini, maˈanof ko tamdaw to hafay, pakidem a mariˈang, caay pidipot to wama wina, o acang o salama aca ko kaolahan.
O roma paliˈayaway pasowal ko Fangcalay Cudad to aira ko taˈangayay ˈatoray, lalood, kedal, lifong. Onini a demak mafekadayto nohatini i adihayay a pala.
Sanay pasowal ci Yis, o ngaˈayay lihaf no Hongti Kitakit no Kawas, papatenaken i polong no hekal.—Matay 24:14.
O Hongti Kitakit no Kawas, o mamiwanik to kihecod a mariˈangay. 2 Pitiro 3:13
Mangataayto papalaˈafoen ni Yihofa ko tatiihay tamdaw maemin.
Ci Satan ato mariˈangay ˈadingoan o tatefocen a misawkit.
O mitengilay a mihakelong to Kawas a tamdaw cowa ko malaˈafo. O maˈorip cangra i moecelay a faelohay hekal, masasiolah cangra, masasi soˈlinen to tao cangra. Aawato ko katalawan a demak i hekal.